Johan 6:64 - Tedim Bible Revision 2017

⁶⁴ Tua hi napi-in note pawl khat in na um kei uh hi,” a ci hi. (Jesu in a kipat cil pek a kipanin kua teng in ama thu um dinga, kua teng in amah lehpei ding cih thu thei khinzo hi.)

Tedim Bible

⁶⁴ Ahih hangin note lakah a um lo mi kimkhat a om hi.

Johan 6:64 Referans Kwoze

Johan 10:26

Ahi zongin note pen keima tuu hi lo na hih manun Khris ka hih lam na hong um kei uh hi.

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

2 TIMOTI NIHNA 2:19

Ahi zongin Pasian in a phuh sa sutpi kilok zo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna su kha lo ding hi,” cihna kigelh hi.

ROM (Romans) 8:29

Pasianʼ Tapa mi khempeuh lakah a upa pen a suah theih nadingin Pasian in a teel kholh sa mite, a Tapa tawh a kibang dingin a seh sa ahi hi.

Johan 6:61

Ahi zongin Jesu in hih thu ah a nungzuiteʼ phunna thei ahih manin, “Hih ka thugenna in note hong lungkiasak ahi hiam?

Johan 5:42

noteʼ lungsim sungah Pasian itna na neih het lohna uh ka theihna hang hizaw hi.

Johan 6:66

Hih bangin a thugenna hangin a nung a zui a thu ngai mi tampi kilehkikin Jesu zui nawn lo uh hi.

Johan 6:36

Ahi zongin note tungah ka hong gen nop thu in: Note in kei hong mu khin napi-in na hong um nuam kei uh hi.

Johan 8:55

Note in amah na thei ngei kei uh a, ahi zongin keʼn ka thei hi. Amah ka thei kei hi, a ci hi leng, note mah bangin kei zong a zuau ka hi ding hi. Ahi zongin keʼn amah thei ka hih manin ama thu ka mang hi.

Johan 8:23

Tua ciangin Jesu in amaute kiangah, “Note pen nuai lam mi na hi uh a, kei pen tung lam mi ka hi hi. Note pen hih leitung mi na hi uh a, kei pen hih leitung mi ka hi kei hi.

Mattiu 10:4

Simon (gam khual pa) le Jesu a lehhek Iskariotʼ tapa Judas ahi uh hi.

Johan 6:60

A nungzuite nangawn un hih thu a zak ciangun, “Hih thugen haksa lua hi. Kua in zui zo ding ahi hiam?” a ci uh hi.

Johan 18:4

Jesu in zong ama tungah a piang ding thu khempeuh thei khin ahih manin hong pai khia-in amaute kiangah, “Kua zong na hi uh hiam?” ci-in a dong hi.