Johan 6:60 - Tedim Bible Revision 2017

⁶⁰ A nungzuite nangawn un hih thu a zak ciangun, “Hih thugen haksa lua hi. Kua in zui zo ding ahi hiam?” a ci uh hi.

Tedim Bible

⁶⁰ Tua ahih ciangin, ama nungzui tampite in hih thu a zak uh ciangin, “Hih thu a haksa mahmah hi, kua in theitel zo ding ahi hiam?” a ci uh hi.

Johan 6:60 Referans Kwoze

Johan 6:66

Hih bangin a thugenna hangin a nung a zui a thu ngai mi tampi kilehkikin Jesu zui nawn lo uh hi.

Johan 8:43

Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

Johan 8:31

Tua ahih manin amah a um Jew mite kiangah Jesu in, “Ka thuhilhnate na zuih paisuak nak uh leh ka nungzui taktakte na hi ding uh hi.

Mattiu 11:6

Kei hong umte pen a lungdamhuai mahmah ahi hi,” ci-in a dawng hi.

2 PETER NIHNA 3:16

Lai a hong gelhna sungah a thugente tu-ate mah a gen nuam ahi hi. A laigelhna sungah a telhak thu tampi om a, theihna kicing loin lungsim kip lo mi pawl khatte in Lai Siangtho sung thu a ututun a kawihei uh bangin Paulʼ thugente zong a man lopi-in khia uh ahih manin siatna a tuak lawh uh hi.

Hebru 5:11

Hih thu tawh kisai-in i gen ding tampi a om hangin note in thu thei hak mahmah na hih manun i gen tel theih nading haksa hi.

Johan 2:2

Jesu le a nungzuite zong tua pawi ah a kisam hi.

Johan 5:25

A taktakin ci lehang: A si mite in Pasianʼ Tapaʼ aw a zak hun uh hong tung ding hi bek loin tu-in a hun hong tung khin hi ta a, ama aw a za mi khempeuh nungta ding uh hi.

Johan 6:52

Hih bangin a thugenna hangin mihonpite khatlekhat kitawng uh a, “Bangci-in hih mipa in nek dingin ama sa hong pia thei ding ahi hiam?” a kici uh hi.

Johan 6:64

Tua hi napi-in note pawl khat in na um kei uh hi,” a ci hi. (Jesu in a kipat cil pek a kipanin kua teng in ama thu um dinga, kua teng in amah lehpei ding cih thu thei khinzo hi.)

Johan 7:3

ama sanggamte in Jesu kiangah, “Na nung hong zui mihonte in na nasepna a muh theih nadingun hih lai panin pai khia-in Judea gamah va pai in.