Johan 6:56 - Tedim Bible Revision 2017

⁵⁶ Ka sa ne-in ka si a dawnte pen kei tawh pum khat ka hi uh hi.

Tedim Bible

⁵⁶ Ka sa ne a, ka si a dawnte in kei sungah om a, ama sungah kei ka om ding hi.

Johan 6:56 Referans Kwoze

Johan 14:20

Tua hun ciangin Pa sungah kei ka omna thu le note sungah ka hong om mah bangin keima sungah na omna thu uh na thei ding uh hi.

1 JOHAN MASA 3:24

Pasianʼ thupiakna a zui mi khempeuh, Pasian tawh om uh a, Pasian in zong amaute a ompih hi. Pasian in eite tungah a hong piak Kha Siangtho hangin Pasian in eite a hong ompihna thu i thei hi.

Mangmuhna 3:20

Kongkhak ah dingin kong ka hong kiu hi. Ka aw za-in kong hong honte kiangah lutin an ka nekhawm ding uh hi.

Johan 14:23

Jesu in, “Kei hong itte in ka thu zui ding uh hi. Ka Pa in zong it dinga, ka nihun tua mite kiangah pai-in amaute tawh ka om khawm ding uh hi.

Late 91:9

Nangmah in Topa pen na buk nadingin bawlin, Sangpen pa, nang a hong hu dingin bawl khin na hih manin

1 JOHAN MASA 4:12

Kuamah in Pasian mu ngei lo hi. Ahi zongin eite khatlekhat i ki-it leh eite tawh Pasian hong om khawm a, ama itna eite lakah a cingtaakin a om ahi hi.

2 KORIN NIHNA 6:16

Pasianʼ biakinn le lawkiteʼ milim bangci kilem theih ding ahi hiam? Bang hang hiam cih leh Pasian in, “Ka mite lakah teengin amaute tawh ka om khawm ding hi. Kei pen amauteʼ Pasian ka hi dinga, amaute, keima mi ahi ding uh hi.

Efesa 3:17

na upna hangun note lungsim sungah Khris hong teengin, itna thu ah zung thuk kha-in bulkip na neih nadingun thu ka ngen hi.

Kah la 3:24

Topa longal neih dang nei lo ka hih manin ama tung bekah lametna ka nei hi.

Late 91:1

Sangpen paʼ liahna sung, Vanglian paʼ liim sungah a om mi khempeuh in

Late 90:1

Topa aw, khang tawntungin koteʼ omna mun na hi hi.

Johan 6:55

Bang hang hiam cih leh ka sa, an taktak hi a, ka sisan, dawn ding tui taktak ahi hi.

1 JOHAN MASA 2:24

Note in ahihleh a kipat cil a kipan na zak uh thute hoihtakin na zui un. A kipat cil a kipan na zak uh thute hoihtakin na zuih nak uh leh Tapa tawh kipawlin, Pa Pasian tawh zong a kipawl na hi ding uh hi.