Johan 6:39 - Tedim Bible Revision 2017

³⁹ Kei hong sawl paʼ deihna in: Ka khut sungah a hong piak mi khempeuh khat zong khahsuah loin nitawp ni ciangin ka hinsakkik ding ahi hi.

Tedim Bible

³⁹ Kei hong sawlpa’ deihna in kei hong piak mite khempeuh khat beek ka man’suah loh nadingin Ni tawp ni ciangin ka thokik sak ding hi.

Johan 6:39 Referans Kwoze

Johan 17:12

Amaute tawh ka om khawm hun lai-in nangma hong piak na min vangliatna tawh amaute ka kem hi. Amaute ka hu a, a maimang ding pa sim loh khat zong ka kisamsak kei hi. Tua a maimang pa lah Lai Siangtho sung thu a tun nading ahi hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Johan 18:9

Hih bang a cihna pen, “Kei na hong piak sate khat zong ka kisamsak kei hi,” ci-in a thugenna a tun nading ahi hi.

Johan 6:54

Ka sa ne-in ka si a dawnte a nungta tawntung hi a, nitawp ni ciangin ka hingsak ding hi.

Johan 6:44

Kei hong sawl Pa in a kaih loh mite ka kiangah hong pai thei lo dinga, ka kiangah hong pai mite nitawp ni ciangin ka hingsak ding hi.

Johan 6:37

Ka Pa in kei tungah a hong piak mi peuhmah ka kiangah hong pai dinga, ka kiangah a hong pai mi peuhmah ka hawl khia kei ding hi.

Juda 1:1

Jesu Khrisʼ sila ka hih banah Jamesʼ nau keimah Jude in: Pasianʼ sapna hangin Jesu Khris kepna sungah Pasian itna tawh a om mite tungah lai ka hong khak hi.

ROM (Romans) 8:11

Sihna panin Jesu a thokiksak Pasianʼ Kha Siangtho note sungah hong om leh sihna panin Khris a hingkiksak pa mah in note sungah a om ama Kha Siangtho mah tawh a si thei pumpi a hong nungtasak ding hi.

Luka 12:32

Tua ciangin Jesu in, “Tuu hon tawmnote aw, lau-in lunghimawh kei un. Na Pa un ama Ukna sungah ukna thu a nei dingin a hong seh sa ahi hi.

Mattiu 18:14

Tua mah bangin vantungah a om na Pa un hih naupangnote khat zong a sih ding a deih kei hi.

1 PETER MASA 1:5

Noteʼ upna hangin nitawp ni ciangin na ngah ding uh hotkhiatna nomau-aʼ ahihna a kilatsak nadingin Pasian in ama vangliatna tawh a hong kepsak ahi hi.

Johan 12:48

Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amauteʼ thukhen ding ahi hi.

2 TIMOTI NIHNA 2:19

Ahi zongin Pasian in a phuh sa sutpi kilok zo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna su kha lo ding hi,” cihna kigelh hi.

Johan 5:28

Hih thu kong gen ciangin lamdang sa kei un. Han sungah a om misi khempeuh in ama aw za-in,

1 SAMUEL MASA 25:29

Nangmah delhin hong that dingin mite hong kipat leh, nang pen Topa na Pasianʼ kepna sung a hing mite lakah na om dinga, amah in suanglotna tawh lotkhiat bangin na galte lawn khia ding hi.

Jeremiah 23:4

Amaute a don ding makaite ka koih dinga, lau nawn lo, lungkham nawn loin khat beek a mangthang nawn kei ding uh hi, Topa in kong ci hi.

Mattiu 10:15

Thukhen ni ciangin tua khua miteʼ thuakna sangin Sodom khua le Gomorrah khua miteʼ thuakna ol zaw lai ding ahihna thu hoihtakin phawk un.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piak theih nadingin mi khempeuh tungah ukna aana a neih nadingin Tapa tungah na hong piak sa ahi hi.

Johan 17:6

“Leitung mite sung panin keima khut sungah na hong piak mite tungah nangma min ka pulak khinzo ta hi. Tua mite in nangma thu mangin nangma mi hi uh a, ahi zongin keima khut sungah amaute na hong pia hi.

Johan 17:9

“Amaute adingin thu ka hong ngetsak hi. Leitung mite adingin a hong ngetsak hi loin keima khut sungah na hong piak mite nangma mi ahih manin tua mite adingin a hong ngetsak ka hi hi.

Johan 17:24

Pa aw, leitung a pianmapekin kei na hong itna hangin na hong piak pianzia a mu dingin keimah na hong piak mite zong ka omna ah a hong pai theih nading ka deihsak hi.

1 KORIN MASA 6:14

Pasian in sihna panin Topa thokiksak hi. Tua mah bangin eite zong ama vangliatna tawh hong thokiksak ding hi.

Jeim 5:15

Upna tawh thu a kinget ciangin Topa in cinate noptuamsakin, damsak dinga, mawhna nei ahihleh zong a mawhna maisak ding hi.