Johan 6:37 - Tedim Bible Revision 2017

³⁷ Ka Pa in kei tungah a hong piak mi peuhmah ka kiangah hong pai dinga, ka kiangah a hong pai mi peuhmah ka hawl khia kei ding hi.

Tedim Bible

³⁷ Pa in kei hong piakte khempeuh kei kiangah hong pai ding uh hi. Ka kiangah hong pai mite ka hawlkhia ngei kei ding hi.

Johan 6:37 Referans Kwoze

Mattiu 11:28

“Na semin van gik pua-in a gim mite khempeuh aw, ka kiangah hong pai ta un. Note tungah lungsim tawldamna kong pia ding hi.

Johan 6:39

Kei hong sawl paʼ deihna in: Ka khut sungah a hong piak mi khempeuh khat zong khahsuah loin nitawp ni ciangin ka hinsakkik ding ahi hi.

Johan 17:24

Pa aw, leitung a pianmapekin kei na hong itna hangin na hong piak pianzia a mu dingin keimah na hong piak mite zong ka omna ah a hong pai theih nading ka deihsak hi.

Johan 17:6

“Leitung mite sung panin keima khut sungah na hong piak mite tungah nangma min ka pulak khinzo ta hi. Tua mite in nangma thu mangin nangma mi hi uh a, ahi zongin keima khut sungah amaute na hong pia hi.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piak theih nadingin mi khempeuh tungah ukna aana a neih nadingin Tapa tungah na hong piak sa ahi hi.

Isaiah 55:7

Migilo in ama gitlohna nusia henla, thuman lo mi in ama ngaihsutna nusia hen. Amah in a hehpih theih nadingin Topa eiteʼ Pasianʼ kiangah amah paisak un. Bang hang hiam cih leh a mawhna maisiangsak ding hi.

Hebru 4:15

Eiteʼ neih Siampi Lianpen pa in i ginat lohna ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

2 TIMOTI NIHNA 2:19

Ahi zongin Pasian in a phuh sa sutpi kilok zo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna su kha lo ding hi,” cihna kigelh hi.

1 TIMOTI MASA 1:16

A mawhnei pha bel ka hihna thu hang mahin, nidang ciangin amah umin nuntak tawntungna a ngah ding miteʼ etteh theih dingin Khris Jesu in a lungduaina cing takin kei tungah hong lah theih nadingin Pasian in kei a hong hehpih ahi hi.

Isaiah 42:3

Amah in a zawngkhal mite dop bawl dinga, a cimawh mite tungah migi ding hi. Amah in thumanna tawh mi khempeuh tungah thutang thu sem khia ding hi.

Johan 6:65

Tua ciangin Jesu in, “Ka Pa in ahi thei dingin bawl kei leh ka kiangah kuamah hong pai thei lo ding hi, ka cihna thu pen hih thu hang mah ahi hi,” ci-in a gen thuah lai hi.

Isaiah 41:9

leimong panin kong lakkhiat, leimong kiu a gamla pen mun panin ka hong sapkhiat, “Nang pen ka nasem pa na hi a, nangmah kong teel khinzo a, nangmah kong nil khia kei hi,” ka hong cih pa aw,

ROM (Romans) 5:20

Khialhna a tam semsem nadingin thukham hong kipia hi. Ahi zongin khialhna a tamna munah Pasianʼ hehpihna hong lian zaw zel hi.

Mangmuhna 22:17

Kha Siangtho le Mothak in Jesu kiangah, “Hong pai in,” a ci uh hi. Hih thu a za mi khempeuh in zong Jesu aw, “Hong pai in,” ci ta uh hen. A dangtak mi khempeuh hong pai uh henla, a deih khempeuh in nuntakna tui a khongin hong la ta uh hen.

1 JOHAN MASA 2:19

Khrisʼ gal ahi hih mite pen eiʼ pawl hi ngei napi-in hong taisan uh hi. Eiʼ pawl taktak hileh eite tawh om khawm paisuak ding uh ahih manin, tu-in amaute paikhia uh ahih ciangin eiʼ pawl taktak ahih lohna uh hong kilang hi.

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

Mattiu 24:24

Bang hang hiam cih leh Khris a kineihkhemte le kamsang a kineihkhemte hong piang dinga, ahih zawh leh a teel sa mite nangawn a khem nadingun lim le nalamdang lian pipi hong bawl ding uh hi.

Late 110:3

Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

Late 102:17

Amah in mi cimawhteʼ thungetna kinin, amauʼ thumna simmawh lo ding hi.

Filippi 1:29

Bang hang hiam cih leh Khrisʼ na sep nading hunpha zong note tungah a hong kipia hi a, Khris upna tawh ama na a sem hi bek loin, thuakna tawh zong a sem ding na hi uh hi.

Johan 17:11

Tu-in nangma kiangah kei a hong pai ta ding ka hih manin leitungah ka om nawn kei dinga, ahi zongin amaute a om lai ding uh ahi hi. Tua ahih manin a Siangtho ka Pa aw, nang le kei pum khat ihih mah bangin amaute zong pum khat ahih nadingun na vangliatna tawh hoihtakin na kem in.

Johan 9:34

Tua ciangin amaute in, “Mawhna bulomtang sung panin suakin a khang khia mipa in kote tungah thu hong hilhsawm na hi hiam?” ci-in tua mittaw ngei pa a hawl khia uh hi.