Johan 6:36 - Tedim Bible Revision 2017

³⁶ Ahi zongin note tungah ka hong gen nop thu in: Note in kei hong mu khin napi-in na hong um nuam kei uh hi.

Tedim Bible

³⁶ Ahih hangin note in kei hong mu napi-in nong um kei uh hi kong ci zo hi.

Johan 6:36 Referans Kwoze

Johan 12:37

Amauteʼ muhin Jesu in hih nalamdang khempeuh a bawl hangin amaute in um lo uh hi.

Johan 6:26

Jesu in, “A mantakin ci lehang: Ka nalamdang bawlte na muh uh ciangin kei hong umin a hong zong na hi kei uh a, an na kham takun na nek uh manin a hong zong na hi bek uh hi.

Luka 16:31

Ahi zongin Abraham in, ‘Amaute in Moses le kamsangteʼ thu a man nop kei uh leh, mi khat hong hingkikin amaute kiangah a va gen hangin umsak zo tuan lo ding hi,’ ci-in a dawng hi,” a ci hi.

Johan 15:24

Kuamah in a bawl ngei loh nalamdangte amaute lakah a bawl lo hi leng amaute in mawh pua lo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 6:64

Tua hi napi-in note pawl khat in na um kei uh hi,” a ci hi. (Jesu in a kipat cil pek a kipanin kua teng in ama thu um dinga, kua teng in amah lehpei ding cih thu thei khinzo hi.)

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Johan 6:30

Tua ciangin amaute in, “Kote in mu-in ka hong up theih nadingun bang nalamdang hong bawl dinga, bang hong sem ding na hi hiam?

Johan 6:37

Ka Pa in kei tungah a hong piak mi peuhmah ka kiangah hong pai dinga, ka kiangah a hong pai mi peuhmah ka hawl khia kei ding hi.