Johan 6:29 - Tedim Bible Revision 2017

²⁹ Jesu in, “Pasian in a hong sawl pa um le-uhcin Pasian a lungkim nadingin a gamta na hi uh hi,” ci-in a dawng hi.

Tedim Bible

²⁹ Zeisu in, “Pasian hong sawlpa upna in Pasian nasepna ahi hi,” a ci hi.

Johan 6:29 Referans Kwoze

1 JOHAN MASA 3:23

Ama hong thupiakna in: A Tapa Jesu Khris umin zui-in, Khrisʼ hong sawl bangin eite khatlekhat i ki-it ding ahi hi.

Sawltak 16:31

Amaute in, “Topa Jesu um in. Tua hileh nang le na innkuanpihte in hotkhiatna na ngah ding uh hi,” ci-in a dawng uh hi.

Hebru 5:9

Tua bangin a cingtaak mi a suah khit ciangin ama thu a mang mite khempeuh adingin tawntung hotkhiatna a kipatna hong suak a,

Johan 3:36

Tua ahih manin Tapa a um mi peuhmah nungta tawntung dinga, Tapaʼ thu a mang lote in nuntak mu lo dinga, amaute tungah Pasian heh tawntung ding hi,” a ci hi.

1 JOHAN MASA 5:1

Jesu, Khris hi, ci-in a um mi khempeuh Pasianʼ tate hi a, pa a it mi peuhmah in a ta zong a it hi.

Marka 16:16

Lungdamna Thu umin tui a kiphum mi peuhpeuh in hotkhiatna ngah dinga, a um lo mi peuhpeuh in mawhsakna thuak ding uh hi.

Johan 5:39

Nuntak tawntung ngah theih nading lametna tawh Lai Siangtho sung na lim sim mahmah uh a, tua na sim uh Lai Siangtho in keima thu mah genin teci pang napi-in,

Mattiu 17:5

Tua bangin a pau laitakun meii ngo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Johan 6:28

Tua ciangin amaute in, “Tua ahihleh Pasian ka lungkimsak theih nadingun bangci gamtat ding ka hi uh hiam?” ci-in a dot uh ciangin

Johan 6:38

Bang hang hiam cih leh keima ut bangin a sem ding hi loin kei hong sawl paʼ deihna bangin a sem dingin vantung panin a hong pai ka hi hi.

Johan 6:57

A nungta Pa Pasian in kei hong sawl ahih manin ama hangin ka nuntak mah bangin keima sa a ne mite zong keima hang mahin nungta ding hi.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun noteʼ upna hangin na nuntak ziate uh, itna na neih manun nakpi takin na nasepnate uh le i Topa Jesu Khris hong paikik ding lametna na neih manun kip takin na omnate uh ka phawk tawntung uh hi.

Jeim 2:22

Tua ahih manin upna le sepna kizom khawm a, sepna in upna a kicinsakna thu na thei uh hi.

Mangmuhna 2:26

A gualzo, a tawp dongin keima deihna bangin a gamta zo mite tungah, keimah in ka Pa tung panin ka ngah vangliatnate mah ka pia ding hi. Minam dangte tungah ukna a neih nading uh aana ka pia dinga, leibeel sat khap bangin sik ciangkhut tawh minam dangte sat gawp ding uh hi.