Johan 6:28 - Tedim Bible Revision 2017

²⁸ Tua ciangin amaute in, “Tua ahihleh Pasian ka lungkimsak theih nadingun bangci gamtat ding ka hi uh hiam?” ci-in a dot uh ciangin

Tedim Bible

²⁸ Tua ciangin tuate in, “Pasian’ na ka sep theih nadingun bangci ka hih ding uh hiam?” ci-in a dong uh hi.

Johan 6:28 Referans Kwoze

Sawltak 16:30

Tua ciangin amaute pusuah pih a, “Tote aw, hotkhiatna ka ngah nadingin bangci gamtat ding ka hi hiam?” ci-in a dong hi.

Sawltak 9:6

Ahi zongin tho-in khuapi sungah lut in; tua lai panin na gamtatna ding teng hong kigen ding hi,” a ci hi.

Luka 10:25

Jesu a ze-et dingin Thukham hilh siate khat hong dinga, “Sia aw, nuntak tawntungna ka ngah theih nadingin bang sem ding ka hi hiam?” ci-in a dong hi.

Mattiu 19:16

Khat vei, Jesu kiangah mi khat hong pai a, “Sia aw, nuntak tawntungna ka ngah nadingin bang gamtat hoih gamta ding ka hi hiam?” ci-in a hong dong hi.

Sawltak 2:37

Amaute in hih thu a zak uh ciangin a lungsim uh nakpi takin su kha a, Peter le sawltak dangte kiangah, “Sanggamte aw, bangci gamtat ding ka hi uh hiam?” ci-in a dong uh hi.

Thu-hilhkikna 5:27

A nai ah va pai inla, Topa i Pasian in a gen ding khempeuh va za in. Topa i Pasian in nang tungah hong gen teng koʼ tungah nang hong gen sawn in. Kote in hong mangin ka sem ding uh hi,’ nong ci uh hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh kiangah kei nong paisak uh a, ‘Ko adingin Topa i Pasianʼ kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ na hong ci uh hi.

Johan 6:27

A ning thei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong seh sa ahih manin keimah in note tungah nuntak tawntungna an kong pia ding hi,” ci-in a dawng hi.

Johan 6:29

Jesu in, “Pasian in a hong sawl pa um le-uhcin Pasian a lungkim nadingin a gamta na hi uh hi,” ci-in a dawng hi.