Johan 6:15 - Tedim Bible Revision 2017

¹⁵ Mihonte in thatang hat thu tawh kumpi-in amah a koih sawmna thu Jesu in a theih ciangin mual tung lamah amah guak a kihem khia hi.

Tedim Bible

¹⁵ Tuate hong pai-in Topa kumpipa-a koih nadingin a hahbawl ding uh cih Zeisu in a theih ciangin, mual tungah amah guak a kahto kik hi.

Johan 6:15 Referans Kwoze

Johan 18:36

Tua ciangin Jesu in, “Keima ukna pen hih leitung gam hi lo hi. Keima ukna hih leitung gam hileh Jerusalem khua-a Jew mi ulianteʼ khut sungah hong kipiak loh nadingin ka nungzuite in a do ding uh hi. Tua ahih manin keima ukna pen hih leitung tawh kizom lo hi,” a ci hi.

Luka 19:38

“Pasian in Topaʼ tangin a hong pai kumpipa, thupha pia tahen. Vantungah nopna om henla, Pasianʼ min thang tahen,” ci-in a awng uh hi.

Marka 11:9

Jesuʼ mai-a a pai mite le a nung a a zui mite in, “Pasian phat un! Topaʼ tangin a hong pai mipa, Pasian in thupha pia tahen!

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Johan 5:41

“Hih bangin kong gen ciangin mihingte in hong pahtak ding ka deihna hi lo a,

Johan 6:3

Jesu zong a mual tung lamah kah to-in a nungzuite tawh a tukhawm hi.

Mattiu 5:1

Jesu in tua bangin mihon tampi tak a muh ciangin mual tung lamah kah to-in tu suk a, a nungzuite zong ama nai ah hong tu uh hi.

Johan 6:22

A zing ciangin tui gal khat ah a om lai mihonte in tui gei ah gunkuang khat a om lai mu uh a, a zan nitakin gunkuang tungah a tuan uh ciangin a nungzuite lakah Jesu a om lohna thu zong thei uh ahih manin a nungzuite bek a pai-in a ngaihsun uh hi.