Johan 5:46 - Tedim Bible Revision 2017

⁴⁶ Moses in keima thu gen belin nei ahih manin Moses um taktak hi le-uhcin kei zong na hong um ding uh hi.

Tedim Bible

⁴⁶ Note in Moses’ thu na up uh leh, keima thu zong nong um ding uh hi. Bang hang hiam na cih uh leh, Moses in keima thu a gelh hi.

Johan 5:46 Referans Kwoze

Thu-hilhkikna 18:15

“Topa na Pasian un note lak ahi na sanggamte uh lak panin note adingin kei tawh a kibang kamsang khat hong khangsak ding hi. Note in ama thu na ngai ding uh hi.

Johan 1:45

Nethanel tawh a kituah ciangin Filip in, “Moses in Thukham laibu sungah a gelh mipa le kamsangte in zong a gelh mipa ka mu khin uh hi. Amah Jesu hi a, Nazareth khuami Josefʼ tapa ahi hi,” a ci hi.

Luka 24:27

Tua ciangin Jesu in Lai Siangtho sungah ama thu a kigennate khempeuh, Moses laibu a kipanin kamsangteʼ laibu khempeuh a khiatna a gen hi.

Sawltak 26:22

Ahi zongin Pasian in tu ni ciang dong hong huh ahih manin mi lian mi neu, a kuamah peuh tungah thu a hilh ka hi hi. Keima thuhilhte pen kamsangte le Moses in hong tung ding hi, ci-in a gen thute mah ahi hi.

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Piancilna 22:18

na suanlekhakte thupha ka piak bangin, leitung minam khempeuh in thupha a ngah nadingun hong ngen ding uh hi. Bang hang hiam cih leh nang in ka thu na mang hi,” a ci hi.

Piancilna 12:3

Nang thupha hong piate thupha ka pia dinga, nang hong samsiate ka samsia ding hi. Nangʼ thupha ngah bangin thupha a ngah nadingun leitung midang khempeuh in hong ngen ding uh hi,” a ci hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Piancilna 28:14

Na suanlekhakte leilak leivui zah pha dinga, nitumna lam le nisuahna lam, leilu lam le leitaw lamah na kizelthang ding uh hi. Nang le na suanlekhakte thupha kong piak bangin leitung minam khempeuh in thupha a ngah nadingun hong ngen ding uh hi.

Galati 3:24

Tua hi a, i upna hangin Pasian tawh kipawl theihna i ngah nadingin Khris a hong pai hun ciang dong, Thukham in eite a hong uk ahi hi.

Galati 3:13

Lai Siangtho in, “Sing tungah a kikhai mi peuhmah Pasianʼ samsiat mi ahi hi,” na ci ahih manin eite adingin Khris in samsiatna a thuak manin Thukham zuih lahna hangin samsiatna panin eite a hong tan khia ahi hi.

Galati 3:10

Hih thu tawh kisai-in Lai Siangtho in, “Thukham laibu sunga kigelh khempeuh a vekpi-in a zui khin tawntung lote in Pasianʼ samsiatna thuak hi,” ci ahih manin Thukham a suangte pen samsiatna a ngah mite ahi uh hi.

Galati 2:19

Thukham tawh kisai-in ahihleh Pasian adingin ka nuntak theih nadingin tua Thukham mah in kei hong that khin ahih manin Thukham tawh kisai thu ah misi bang ka hi hi. Singlamteh tungah Khris a kithah lai-in kei zong amah tawh a si khawm ka hi hi.

ROM (Romans) 10:4

Bang hang hiam cih leh upna a nei mi khempeuh Pasian tawh a kipawl theih nadingin Khris in Thukham a beisak hi.

Johan 5:47

Ahi zongin Mosesʼ laigelh thute um lo na hih manun kei hong bangci up theih mah ding na hi uh hiam?” a ci hi.