Johan 5:45 - Tedim Bible Revision 2017

⁴⁵ Hih bangin kong gen ciangin ka Pa kiangah note a hong mawhsak ding pa hi, ci-in hong ngaihsun kei unla, note in suan belin na neih uh Moses pen a hong mawhsak ding pa ahih zawkna thu thei ta un.

Tedim Bible

⁴⁵ Pa mai-ah hong mawhsak ding hi ci-in hong um kei un. Note hong mawhsak ding mi khat a om lai hi. Tua pa in kua mi ahi hiam ci-in na dot uh leh, na muanpa uh Moses ahi hi.

Johan 5:45 Referans Kwoze

Galati 3:10

Hih thu tawh kisai-in Lai Siangtho in, “Thukham laibu sunga kigelh khempeuh a vekpi-in a zui khin tawntung lote in Pasianʼ samsiatna thuak hi,” ci ahih manin Thukham a suangte pen samsiatna a ngah mite ahi uh hi.

ROM (Romans) 2:12

Moses Thukham a nei lo Gentail mite a khialh uh ciangin thukham nei lopi mahin siatna thuak uh a, Moses Thukham a nei Jew mite a khialh uh ciangin tua thukham tawh kizui-in amaute tungah thu kikhen hi.

Johan 7:19

Moses in note tungah Thukham hong pia napi-in kuamah in na zui kei uh hi. Tua hi napi, bang hangin thah dingin kei hong sawm na hi uh hiam?” a ci hi.

Johan 8:9

Ahi zongin hih kammal a zak uh ciangin amaute a khangham pen panin khatkhatin paikhia uh a, a tawpna ah Jesu le a mai ah a ding numei bek a om lai hi.

Luka 16:29

Ahi zongin Abraham in, ‘Na sanggamte a hilh dingin Moses le kamsangte om uh ahih manin tuateʼ thugen na ngai ta uh hen,’ a ci hi.

Johan 12:48

Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amauteʼ thukhen ding ahi hi.