Johan 5:37 - Tedim Bible Revision 2017

^37-38 Tua ban panin kei a hong sawl Pasian in zong keima adingin teci a pang hi. Note in Pasianʼ sawl paʼ thu um lo na hih manun Pasianʼ aw lah za ngei lo, a maitang lah mu ngei lo, na lungsim uh ah zong ama thu a ciing lo na hi uh hi.

Tedim Bible

³⁷ Kei hong sawl ka Pa in kei ading teci hong pang zo hi. Note in tua Pa’ aw na za kei uh a, a meel na mu ngei kei uh hi.

Johan 5:37 Referans Kwoze

Johan 8:18

keima ading teci ka pang a, kei hong sawl Pa Pasian in zong keima adingin teci a pang hi,” ci-in a dawng hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

1 TIMOTI MASA 1:17

Amah bek Pasian ahi, a kimu thei lo, a si ngei lo, tawntung Kumpipa in minthanna le pahtawina ngah tawntung tahen. Amen.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi henla, vanglian tawntung tahen. Amen.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

1 JOHAN MASA 4:20

Mi khatpeuh in, “Pasian ka it hi,” ci napi-in a Khristian mipihte a muhdah leh a zuaupi a gen ahi hi. Bang hang hiam cih leh a muh theih a Khristian mipih a it lo mi in a muh theih loh Pasian it thei lo ding hi.

1 JOHAN MASA 4:12

Kuamah in Pasian mu ngei lo hi. Ahi zongin eite khatlekhat i ki-it leh eite tawh Pasian hong om khawm a, ama itna eite lakah a cingtaakin a om ahi hi.

Johan 14:9

Jesu in, “Filip aw, hih tanvei om khawm khin napi kei hong thei nai lo lai na hi hiam? Kei a hong mu khinte in Pa a mu khin ahih manin bang hangin, ‘Pa hong lak in,’ ci thei na hi hiam?

Johan 6:27

A ning thei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong seh sa ahih manin keimah in note tungah nuntak tawntungna an kong pia ding hi,” ci-in a dawng hi.

Mattiu 17:5

Tua bangin a pau laitakun meii ngo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Thu-hilhkikna 4:12

Tua ciangin mei sung panin Topa in noteʼ kiangah thu hong gen hi. Note in awging na za uh a, ahih hangin bangmah mu loin, awging bek a om hi.

Paikhiatna 20:19

Moses kiangah, “Nangmah in kote kiangah thu hong gen in; kote in ka ngai ding uh hi. Ahi zongin kote si kha ding ka hih uh ciangin ko tungah Pasian hong gensak kei in,” a ci uh hi.

Johan 15:24

Kuamah in a bawl ngei loh nalamdangte amaute lakah a bawl lo hi leng amaute in mawh pua lo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Isaiah 26:10

Migilote tungah nangmah na migit hangin a manin gamtat ding theithei tuan lo uh a, lungsim thutang miteʼ gam sungah amaute in khialhna bawl lai veve uh hi. Amaute in Topa’ minliatna hong phawk nuam lo uh hi.

Marka 1:11

Vantung panin aw khat hong ging a, “Nang pen ka it mahmah ka Tapa na hi a, nang tungah ka lungkim mahmah hi,” a ci hi.

Luka 3:22

vakhu pumpi lim nei-in Kha Siangtho ama tungah hong kum suk hi. Tua laitakin vantung panin aw khat hong ging a, “Nang pen ka it ka Tapa na hi a, nangma tungah ka lungkim mahmah hi,” a ci hi.

Luka 24:27

Tua ciangin Jesu in Lai Siangtho sungah ama thu a kigennate khempeuh, Moses laibu a kipanin kamsangteʼ laibu khempeuh a khiatna a gen hi.

Johan 5:32

Tua ahih manin keima ading teci a pang ding mi khat om a, keima thu genin teci a panna thuman hi, ci-in ka thei hi.

1 JOHAN MASA 5:9

Mihingteʼ teci panna sang thei ihih leh Pasianʼ teci panna i san theih ding thupi zaw hi. Pasian in ama Tapaʼ thu tu-a bangin teci hong pang hi.