Johan 5:29 - Tedim Bible Revision 2017

²⁹ han sung panin a hong paikhiat uh hun hong tung ding hi. A gamtat hoih mite pen a nungta tawntung dingin hong thokik ding uh a, a gamtat siate ahihleh mawhsak thukhenna a thuak dingin hong thokik ding uh hi.

Tedim Bible

²⁹ A pha-a gamtate in nuntakna ngah dingin hong thokik ding uh a; a sia-a gamtate in thukhenna thuak dingin hong thokik ding uh hi.”

Johan 5:29 Referans Kwoze

Sawltak 24:15

Amauteʼ up le lamet mah bangin, Pasian in miphate le misiate a kibangin sihna panin hingkiksak khawm ding hi, ci-in umin ka lamen hi.

Luka 14:14

Amaute in nang hong thukkik zo lo ding uh ahih manin nang adingin a lungdamhuai hong hi ding hi. Bang hang hiam cih leh sihna panin mihoihte a thawhkik hun ciangin Pasian in nang tungah hong thukkik ding hi,” a ci hi.

1 TIMOTI MASA 6:18

A hoih nate semin, gamtat pha-in, citna lungsim nei-in midangte a hopnop nadingun na hilh in.

Hebru 13:16

Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

1 PETER MASA 3:11

Gitlohna pelhin hoih gamtat uh henla, mi tawh kilem ding hanciamin kilem theih nadingin hahkat ta uh hen.

Jeremiah 32:19

na ngimnate lian mahmah a, na sepnate thupi mahmah hi. Miteʼ nuntak zia khempeuh na mu a, amauʼ nuntak dan le a sepna tawh kizui-in mi khempeuh tungah thaman na pia kim hi.

Hebru 10:27

a kihtakhuai thukhenna le Pasianʼ thu a nial mite a kaang tum ding meikuangpi bek om lai hi.