Johan 5:2 - Tedim Bible Revision 2017

² Jerusalem khua sung Tuu Kongpi a kici gei ah Hebru pau-in Beth-zatha a kici bual khat om a, tua bual kimkot ah talap nga a om hi.

Tedim Bible

² Jerusalem khua-ah Tuu Kongkhak tawh kinai, Hebru pau-in Bethzatha kici bual khat a om hi. Tua bual kimkot ah buk nga a om hi.

Johan 5:2 Referans Kwoze

Nehemiah 12:39

tua panin Efraim Kongpi, tua ciangin Jeshanah Kongpi, tua ciangin Ngasa Kongpi, tua ciangin Hananel Tausang, tua ciangin Za Khat Tausang, tua ciangin Tuu Kongpi ah pai uh a, tua ciangin Thong Kongpi ah khawl uh hi.

Nehemiah 3:1

Tua ciangin siampi lianpen pa Eliashib le a siampipihte in nasep kipanin Tuu Kongpi a bawl uh hi. Amaute in a khuamte le a zawlte bawlin a kongkhakte bulh uh hi. Amaute in Za Khat Tausang ciang banah Hananel Tausang dong sem uh a, tua ciangin Pasianʼ tungah ap uh hi.

Nehemiah 3:32

Tua ciangin kham seekte le sumbukte in a kiu-a inn dei tungnung le Tuu Kongpi kikal a puah uh hi.

Isaiah 22:11

Nangmah in, bual lui pan a tuite khol nadingin kulhpi nih kikalah tuibeem pi khat na bawl hi. Ahih hangin nangmah in, tua na a na bawlpa phawk loin, sawtpekin a na geel pa na don kei hi.

Sawltak 21:40

Galkap mangpa in zong thu a gen ding phal ahih manin kahlei cial tungah Paul dinga, mite a gamdaih nadingin a khut a van hi. Mite a gamdaih khit ciangin Paul in Hebru pau-in mite tungah thu gen a,

Johan 20:16

Tua ciangin Jesu in, “Mary!” a cih leh Mary zong ama lamah kihei a, “Rabboni,” ci-in a dawng hi. (Rabboni pen Hebru pau hi a, “Siapa,” a cihna ahi hi.)

Johan 19:17

Tua ahih manin amaute in Jesu la-in paikhiatpih uh a, ama kikhai nading singlamteh mah puasakin Hebru pau-in Golgotha a kici Lutang Guh mualah a paipih uh hi.

Johan 19:13

Pilat in hih bangin miteʼ kikona a zak ciangin Jesu paikhiatpih a, Hebru pau-in Gabbatha a kici Suangphahpek tunga thukhenna tokhom tungah a tu hi.

Isaiah 22:9

David khuapi mun tampi tak a siatna mu-in, bual nuainung tuite na cingkik a,

Johan 19:20

Jesu a kikhaina mun pen Jerusalem khuapi tawh kinai ahih manin Judea gam mi tampi in hih lai kigelh a sim uh hi. Tua lai pen Hebru lai, Latin lai le Grik lai-in a kigelh hi.

Johan 5:3

Hih talapte sungah a mittaw, a khebai, khutlekhe zaw, cina tampi lum phengphang uh hi. (Amaute in tua bualtui a kilawh ding ngakin a om uh ahi hi.

Johan 7:21

Jesu in, “Sabbath ni-in cina damsakna nalamdang khat ka bawlna hangin lamdang na sa mahmah uh hi.

Mangmuhna 9:11

Amaute in tua kuahawm thukpi a uk vantungmi pen kumpi-in nei uh a, tua vantungmi a min pen Hebru pau-in Abaddon hi a, Grik pau-in Apollion hi a, “A Susia pa,” a cihnopna ahi hi.

Mangmuhna 16:16

Tua khate in Hebru pau-in Armageddon a kici munah kumpite a kaikhawm uh hi.