Johan 4:38 - Tedim Bible Revision 2017

³⁸ Tua ahih manin note in na khawh loh uh lo ah an a la dingin ka hong sawl hi. Midang in tua lo na kho a, note in a lak bek a si na hi uh hi,” a ci hi.

Tedim Bible

³⁸ Lo na khawh lohna uh ah buh at dingin ke’n note kong sawl hi. Midangte in a kho uh a, note in amau sepna-ah na tum zo uh hi,” a ci hi.

Johan 4:38 Referans Kwoze

Johan 1:7

mi khempeuh in ama thugenna za-in tua khuavak a up theih nadingun tua khuavak thu a gen dingin a hong pai ahi hi.

2 KHANG TANGTHU NIHNATE 36:15

A mite le ama teenna mun khasiat ahih manin amauʼ pute pateʼ Pasian, Topa in a kamtaite amaute kiangah sawl teitei hi.

Sawltak 6:7

Tua bangin Pasianʼ thu kizelin hong khang semsem hi. Jerusalem khua sungah thu um mi tampi tak hong kibehlap a, siampi tampi tak in zong Lungdamna Thu a hong um uh hi.

Sawltak 5:14

Topaʼ thu a um numei pasal tampi tak hong kibeh laplap uh hi.

Sawltak 4:4

Ahi zongin amauteʼ thugen a za mi tampi in um uh a, thu um mi tul nga bang a pha ta uh hi.

Sawltak 4:32

Thu um mi khempeuh a lungsim uh le a ngaihsutna uh kikhat uh a, kuamah in ama neihsa kei-aʼ tuam ci loin, a neih khempeuh uh a neikhawm ciat uh hi.

Sawltak 2:41

Mi tampi in ama thugen umin tui kiphum uh a, tua ni-in mihing tul thum bang kibehlap uh hi.

Mattiu 4:23

Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na gamta nawn kei un,’ ci-in kong gensak tawntung hi.

Johan 4:37

Tua ahih manin, ‘Khat in khai tuhin, a dang khat in a an la,’ ci-in paunak a om pen thuman mahmah hi.

Johan 4:39

Tua numei in, “Ka gamtatna sate khempeuh hong thei hi,” ci-in a thugenna hangin tua khua sunga om Samaria mi tampi tak in Jesu a um uh hi.

Johan 17:18

Leitungah kei na hong sawl mah bangin kei zong leitung mahah amaute ka sawl hi.

2 KORIN NIHNA 10:15

Tua ahih manin Pasian in kote adingin a hong sehsak sa khengvalin midangteʼ nasepna ah a kisial ka hi kei uh a, Pasianʼ hong piak koteʼ huam sungah noteʼ upna khangin note lakah ka nasepna uh a tangzai zaw a suah nading a lamen ka hi uh hi.