Johan 4:29 - Tedim Bible Revision 2017

²⁹ “Hong pai un. Ka gamtatna sa a hong thei pa va en ni. Amah Khris hi kha ding hi,” a va ci hi.

Tedim Bible

²⁹ “Hong pai un la, ka gamtatna khempeuh hong lakpa en un. Tua pa in Khazih ahi hiam?” ci-in mite kiangah a ko hi.

Johan 4:29 Referans Kwoze

Mangmuhna 22:17

Kha Siangtho le Mothak in Jesu kiangah, “Hong pai in,” a ci uh hi. Hih thu a za mi khempeuh in zong Jesu aw, “Hong pai in,” ci ta uh hen. A dangtak mi khempeuh hong pai uh henla, a deih khempeuh in nuntakna tui a khongin hong la ta uh hen.

Johan 4:25

Tua ciangin numei in, “Khris a kici Messiah hong pai nading thu ka thei hi. Amah hong pai ciangin thu khempeuh hong gen ding hi,” a cih ciangin

Johan 7:31

Ahi zongin mihon lak panin mi tampi mah in amah um uh a, “Khris hong pai ciangin hih mipa sangin nalamdang tam zaw hong bawl tuan ding ahi hiam?” a ci uh hi.

Johan 7:26

Tua hi napi, mihon lakah thu gengen napi-in kuamah in bangmah cih lo uh hi. Uliante in Khris hi, ci-in theihtelna nei uh hi ding hiam?

Mattiu 12:23

Tua ciangin mi khempeuh in lamdang sa mahmah uh a, “Hih pa, i lam etet Davidʼ suan hi lo ding ahi hiam?” a ci uh hi.

Johan 4:28

Tua ciangin numei in a tuibeel nusia-in khua sungah ciah a, a khuapih mite kiangah,

Johan 4:30

Tua ahih manin a khuapihte zong Jesu kiangah a va pai uh hi.

Johan 4:39

Tua numei in, “Ka gamtatna sate khempeuh hong thei hi,” ci-in a thugenna hangin tua khua sunga om Samaria mi tampi tak in Jesu a um uh hi.

1 SAMUEL MASA 9:19

Samuel in Saul dawngin, “Keimah, thumu pa ka hi hi; mual tunga biakna ah keima mai ah na pai to in; bang hang hiam cih leh nangmah in tu ni-in kei tawh an na ne dinga, zingsang ciangin nang hong ciahsakin na lungsim a om khempeuh nang kiangah kong gen ding hi.