Johan 3:35 - Tedim Bible Revision 2017

³⁵ Pa in Tapa it ahih manin ama khut sungah na khempeuh a pia hi.

Tedim Bible

³⁵ Pasian in a Tapa it a, na khempeuh ama khut sungah a pia zo hi.

Johan 3:35 Referans Kwoze

Mattiu 28:18

Tua ciangin amaute mai ah Jesu hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Johan 5:22

Pa in kuama tungah thukhen nasep sem lo hi. Mi khempeuh in Pa a zahtak mah bangin Tapa a zahtak theih nadingun Pa in thukhen nasep khempeuh a Tapa tungah a pia hi. Tua ahih manin Tapa a zahtak lo mi khempeuh pen Tapa a sawl Pa Pasian zong a zahtak lo ahi uh hi.

Johan 5:20

Pa in a Tapa itin, ama sep teng mah lak a, mailam hunah zong hih sangin a lian zaw a sep ding lak lai ding ahih manin lamdang na sa mahmah ding uh hi.

Luka 10:22

Tua ciangin Jesu in amaute kiangah, “Hih nate khempeuh ka Pa in kei tungah hong ap khinzo hi. Pasian sim loh, Tapa a thei kuamah om lo hi. Tapa le Tapa in a theihsak nop mite sim loh, Pa a thei kuamah om lo hi,” a ci hi.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piak theih nadingin mi khempeuh tungah ukna aana a neih nadingin Tapa tungah na hong piak sa ahi hi.

Mattiu 11:27

“Ka Pa in kei tungah na khempeuh hong pia khin hi. Pa sim loh Tapa a thei kuamah om lo a, Tapa le Tapa in a theihsak nop mite sim loh, pa a thei kuamah om lo hi.

Efesa 1:22

Pasian in Khrisʼ khe nuai ah na khempeuh koih a, thu khempeuh ah pawlpiʼ lutang dingin Khris a bawl hi.

Johan 13:3

A Pa in ama khut sungah vangliatna khempeuh a piakna le Pasian in amah a sawl mah bangin tu-in Pasian kiangah a paikik ding ahihna thu zong a thei hi.

1 PETER MASA 3:22

Tu-in vantungah tua Khris pai khin a, Pasianʼ tak lamah omin, vantung mite le ukna aana a neite khempeuh tungah a ukin a om hi.

1 KORIN MASA 15:27

Bang hang hiam cih leh Lai Siangtho in, “Pasian in na khempeuh ama khe nuai ah koih hi,” na ci hi. “Na khempeuh,” a cih ciangin Khrisʼ khutnuai ah na khempeuh a koih Pasian mahmah sim loh a vekpi-in a huam khin ahihna kitel hi.

Late 2:8

Keima tungah hong ngen in; nangma luah dingin minamte ka bawl dinga, leimong dongin na neihsa ka hisak ding hi.

Hebru 1:2

Ahi zongin tu hun nunung ciangin leitung vantung na khempeuh a bawlin a zat, a tawpna ah na khempeuh a luah dingin a seh a Tapa zangin eite tungah thu hong gen hi.

Johan 17:26

Kei na hong itna zah itna mah amaute sungah omin, amaute tawh kei ka om khawm theih nadingin amaute tungah nangma min ka gen khin a, mai lamah zong ka gen lailai ding hi,” ci-in thu a ngen hi.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pum khat a suah taktak theih nadingun amaute lakah kei ka om a, kei tawh nang na hong om khawm hi.

Johan 15:9

Ka Pa in kei hong it zahin note hong it ka hih manin keima hong itna sungah om un.

Mattiu 17:5

Tua bangin a pau laitakun meii ngo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

Isaiah 42:1

Keimah in ka huh, ka teel, ka lungkimna ka nasem pa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Paunak 8:30

Na geel siampa bangin amah tawh kikhawlin keimah pen nisimin ama lungdamna ka hi a, ama kiang a om nuamsa-in,

Piancilna 41:55

Egypt gam khempeuh a kial ciangin, an ngenin mite Faroʼ tungah kiko uh hi. Faro in Egypt mite khempeuh tungah, “Josefʼ kiangah pai un. Noteʼ tunga ama hong cih bangin gamta un,” a ci hi.

Piancilna 41:44

Tua tham loin Faro in Josef kiangah, “Kei pen Faro ka hi hi. Nangma thukim lohin Egypt gam sung khempeuh ah kuamah in a khut a khe nangawn uh liik lo ding uh hi,” a ci hi.

Daniel 7:14

Amah in vangliatna, minthanna le kumpi za ngah ahih manin minamkimte, minam tuamtuamte, pau nam tuamtuamte khempeuh in ama na a sem ding uh ahi hi. Amah in a tawntungin uk dinga, a kumpi gam a bei ngei kei ding hi.