Johan 3:33 - Tedim Bible Revision 2017

³³ Ama thugen a umte pen, Pasianʼ thugen man hi, ci-in a um ahi uh hi.

Tedim Bible

³³ Ama teci pan’na thu a mangte in, Pasian in thuman thutak hi ci-in a ciamteh hi.

Johan 3:33 Referans Kwoze

Hebru 6:17

Pasian in ama geelnasa a kheel ngei het lo ding ahihna thu a thuciamna a ngah ding mite tungah teltakin theisak nuam ahih manin a thuciam banah kiciamna khat a bawl lai hi.

Efesa 1:13

Note in zong hotkhiatna a hong ngahsak thei Lungdamna Thu a man za-in Khris na up uh ciangin, Pasian in a hong ciam sa bangin ama mi na hihna uh a kilat nadingin note tungah Kha Siangtho hong piakna tawh a hong ciamteh hi.

2 KORIN NIHNA 1:22

Amah in eite pen ama aʼ ihihna ciaptehna eite tungah hong bawl a, ama aʼ ihihna le eite tungah a hong piak ding na khempeuh a hong pia takpi ding ahihna a kitel nadingin eiteʼ lungsim sungah Kha Siangtho a hong ma piak hi.

2 KORIN NIHNA 1:18

Pasian a thuman a citak ahih mah bangin note tungah ka hong gente uh zong a kheel themthum ka hi kei uh hi.

Johan 6:27

A ning thei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong seh sa ahih manin keimah in note tungah nuntak tawntungna an kong pia ding hi,” ci-in a dawng hi.

Johan 8:26

Noteʼ thu genin, noteʼ thu ka khen ding tampi tak om hi. Kei a hong sawl pa a thuman a thutak hi a, ama tung panin ka zak sa thute bek leitung mite tungah a pulak ka hi hi,” ci-in a dawng hi.

ROM (Romans) 4:11

Abraham a vun a ki-at ma-in a upna hangin Pasian in mihoihin a sanna lahtel nadingin a vun a kinung-at ahi hi. Tua ahih manin vun a ki-at loh hangin a upna uh hangin mihoihin a kisang mite khempeuh adingin Abraham pen kha thu lamah pupi ahi hi.

ROM (Romans) 15:28

Amaute adingin a kikaikhawm hih sumte a cingin amaute tungah apin, hih nasep ka man khit ciangin Spain gam manawh dingin ka hong paikhia dinga, note kiangah kong baang ding hi.

1 KORIN MASA 9:2

Midangte in sawltakin hong ngaihsun ta kei le-uh, note in sawltakin na hong ngaihsut uh a kul ahi hi. Bang hang hiam cih leh Topa sungah na omna uh pen sawltak ka hih lam a kilatna ahi hi.

Efesa 4:30

Ni khat ni ciangin Pasian in note hong tatkhiat taktak nading thu a ciantakin hong lahna le Pasianʼ neihsa na hihna uh hong ciaptehna-in Kha Siangtho hong pia ahih manin, tua Pasianʼ Kha Siangtho na dahsak kei un.

2 TIMOTI NIHNA 2:19

Ahi zongin Pasian in a phuh sa sutpi kilok zo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna su kha lo ding hi,” cihna kigelh hi.

1 JOHAN MASA 1:10

Pasian in a mawh hi, hong ci ahih manin eite in ka mawh ngei kei hi, i cih leh Pasian pen zuaugen a suaksak ihi a, i sungah ama thu a om het lo ahi hi.