Johan 3:28 - Tedim Bible Revision 2017

²⁸ Kei pen Khris ka hi kei a, ama mai ah a hong kisawl pa ka hi lel hi, ci-in ka genna thu note mahmah in na zak sa uh ahi hi.

Tedim Bible

²⁸ Keimah in Khazih ka hi kei hi. Khazih mai-ah hong paipa ka hi hi ke’n kong ci zo a, note zong ka teci na hi uh hi.

Johan 3:28 Referans Kwoze

Johan 1:20

Johan in zong na ip bawl loin a siangtakin na gen khia a, “Kei pen Khris ka hi kei hi,” a na ci hi.

Johan 1:23

Johan in, “Kamsang Isaiah in a na gen mah bangin, ‘Topaʼ tot ding lampi na tangsak un,’ ci-in gam sungah a kiko pa ka hi hi,” ci-in a dawng hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Mattiu 3:3

Kamsang Isaiah in, “Gam sungah mi khat kiko a, ‘Topaʼ pai nading lampi bawl unla, a tot ding lampi tangsak un,’ ci hi,” ci-in a gen ciangin hih Johanʼ thu a gen ahi hi.

Johan 1:25

Amaute in Johan kiangah, “Nang pen Khris lah hi lo, Elijah lah hi lo, kamsang lah hi lo na hih leh bang hangin tuiphum mawk na hi hiam?” ci-in a dot uh ciangin

Luka 1:76

“Nang, ka tapa na hi a, Lianpen Pasianʼ kamsang pa hong kici ding hi. Ama pai nading lampi a bawl khol dingin Topaʼ mai ah na mapai ding hi.

Johan 1:27

Keima khit ciangin note lakah amah in nasep hong kipan ahih hangin, kei pen ama khedap khau a sutsak ding nangawnin ka kilawm zo nai kei hi,” ci-in a dawng hi.