Johan 3:25 - Tedim Bible Revision 2017

²⁵ Tua laitakin biakna vai-in kisiansuahna tawh kizomin Johanʼ nungzuite le Jew mi pawl khat thu kiseel uh hi.

Tedim Bible

²⁵ Tua ahih ciangin Johan’ nungzuite in siangtho biakna thu Judah mi khat tawh a kiseel uh ciangin,

Johan 3:25 Referans Kwoze

Johan 2:6

Jew mite in amau biakna ngeina ah kisilsiang nading ngeina nei uh ahih manin tua lai ah tui tambong guk tambong sagih bang a ta thei thambeel pi guk a om hi.

Hebru 6:2

tuiphumna le khut ngakna thu, misite thawhkikna le tawntung gim thuakna, cih thute genpha sansan nawn kei ni.

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

1 PETER MASA 3:21

Tui pen note a hong hon khia tuiphumna lim hi a, pumpi panin nin sawp khiatna lim hi loin, Jesu Khris thawhkikna hangin lungsim siantho nadingin Pasianʼ tungah kamciamna lim ahi hi. Tua Jesu thawhkikna in note hong hon khia ahi hi.

Hebru 9:23

A taktak ahi lo vantung limte pen hih bangin siansuahna kibawl hi. Ahi zongin vantung nate in hih sangin a hoih zaw biakpiakna kisam hi.

Hebru 9:10

Zu le an le pumpi siansuahna ngeina tuamtuamte hi bek a, Pasian in na khempeuh a puahphat hun ma kikal sungteng zat ding ngeina ahi hi.

Marka 7:8

Note in Pasianʼ thukham nawl khinin, mihingteʼ thuhilhna na zui zawsop uh hi,” a ci hi.