Johan 3:16 - Tedim Bible Revision 2017

¹⁶ Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Tedim Bible

¹⁶ “Pasian in a Tapa a um mi khempeuhte in kisia lo a, nuntak tawntungna a ngah nadingin a Tapa khat bek a piak dongin leitung mite a it hi.

Johan 3:16 Referans Kwoze

ROM (Romans) 5:8

Ahi zongin eite mawhna nei ihih laitakin eite adingin Khris hong si ahih manin Pasian in eite hong it mahmahna thu hong lak khin hi.

Johan 3:15

amah a um mi khempeuh nungta tawntung ding hi.

ROM (Romans) 8:32

Ama Tapa nangawn siit loin eite khempeuh adingin hong pia khia ahih manin, na dang khempeuh zong hong pia zaw kan ding hi lo ahi hiam?

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Johan 3:36

Tua ahih manin Tapa a um mi peuhmah nungta tawntung dinga, Tapaʼ thu a mang lote in nuntak mu lo dinga, amaute tungah Pasian heh tawntung ding hi,” a ci hi.

1 JOHAN MASA 4:19

Pasian in eite hong it masa ahih manin eite in itna i nei thei hi.

Johan 10:28

Tua ahih manin amaute tungah nuntak tawntungna pia ka hih manin si ngei nawn lo ding uh a, keima khut sung panin kuamah in amaute hong sut zo lo ding uh hi.

ROM (Romans) 5:10

Pasian tawh eite i kilangneih laitakin ama Tapaʼ sihna hangin amah tawh hong kilemsak ahihleh tu-in Pasian tawh kipawl khinta ihih manin Khris nuntakna in eite hong hon khia zo zaw kan ding hi lo ahi hiam?

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

2 THESALONIKA NIHNA 2:16

I Topa Jesu Khris mahmah leh, eite hong itin, a hong hehpihna tawh thakhauhna le lametna a hong pia tawntung eiteʼ Pa Pasian in

Efesa 2:4

Tua bang hi napi-in Pasianʼ hong hehpihna le eite hong itna lian mahmah ahih manin,

Mattiu 9:13

Lai Siangtho sungah, ‘Ganhing tawh biak ding ka deih kei a, migitna ka deih zaw hi,’ ci-in a genna pen bang a cihnopna ahi hiam, va kan un. Mite in a zahtak mihoihte a sam dingin a hong pai ka hi kei a, mite in a pampaih mite a sam dingin a hong pai ka hi hi,” a ci hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Piancilna 22:12

Amah in, “Tangvalpa su kei in. Ama tungah bangmah hih kei in. Bang hang hiam cih leh nang in Pasian na zahtakna tu-in ka thei a, na tapa khat neihsun keima adingin na humcip lohna ka mu hi,” a ci hi.

Titu 3:4

Ahi zongin eite hong Honpa ahi Pasianʼ itna le a migitna thu hong kilat ciangin,

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Marka 12:6

Tua ciangin a sawl theih ding a it mahmah a tapa khat bek om lai ahih manin, ‘Amaute in ka tapa na zahtak bawl ding uh hi,’ ci-in a nunung penin a sawl hi.

Luka 2:14

“Van a sang belna ah a om Pasianʼ min thang henla, ama pahtak leitung mite tungah nopna om tahen,” a ci uh hi.

Piancilna 22:2

Amah in, “Na it, na tapa neihsun Isaac, la inla, Moriah gamah pai in. Tua lai mun a nang kiangah kong gen ding mual khat tungah meihal biakpiakna-in amah hong pia in,” a ci hi.

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Johan 3:18

Amah a um mite in mawhsak thukhenna thuak lo ding uh hi. Amah a um lote pen Pasianʼ Tapa neihsun um lo uh ahih manin mawhsak thukhenna a thuak khinta uh ahi hi.

Hebru 2:9

Ahi zongin Pasianʼ hehpihna hangin mi khempeuh adingin Jesu a sih theih nadingin tawl khat sung vantung mite sangin a neu zaw-in a kibawlna i mu a, sihna a thuakna hangin minthanna le pahtawina a ngahna thu i thei hi.

1 JOHAN MASA 3:1

Pa Pasian in eite bangzah takin hong itna thu thei un. Ama hong itna lian mahmah ahih manin eite pen Pasianʼ tate hong kici a, hong kicih mah bang ihi takpi hi. Leitung mite in tu hun ciang dong Pasian thei lo uh ahih manin eite zong a hong thei lo uh ahi hi.