Johan 3:12 - Tedim Bible Revision 2017

¹² Hih leitung thute tawh a kisai thu kong gen ciangin um lo na hih uh leh vantung thute kong gen ciangin bangci up mah ding na hi uh hiam?

Tedim Bible

¹² Leitung thu kong gen ciangin na up kei leh, vantung thu kong gen hangin bangci up ding na hi hiam?

Johan 3:12 Referans Kwoze

Hebru 5:11

Hih thu tawh kisai-in i gen ding tampi a om hangin note in thu thei hak mahmah na hih manun i gen tel theih nading haksa hi.

Johan 3:8

Huih zong a utna peuhpeuh ah nung a, a huging na zak theih hangin koi lam panin hong nung a, koi lamah nung ahi hiam, cih na mu thei kei hi. Kha tawh a suak mite zong tua mah bang ahi hi,” ci-in a dawng hi.

Johan 3:5

Jesu in, “A mantakin kong genin ah, mi khatpeuh tui le Kha Siangtho tawh a suahkik kei leh Pasianʼ Ukna sungah lut thei lo ding hi.

1 JOHAN MASA 4:10

Hih ka gen itna pen eite in Pasian i itna thu hi lo a, Pasian in eite hong itin, i mawhna a mai theih nadingin a Tapa a hong paisakna thu ahi hi.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

Johan 3:3

Jesu in, “A mantakin kong genin ah, mi khatpeuh a suahkik kei leh Pasianʼ Ukna sungah lut thei lo ding hi,” a ci hi.

Johan 3:11

A mantakin kong genin ah, kote in ka theih sa uh thu bek genin, ka muh sa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.