Johan 3:11 - Tedim Bible Revision 2017

¹¹ A mantakin kong genin ah, kote in ka theih sa uh thu bek genin, ka muh sa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.

Tedim Bible

¹¹ Ke’n aman takpi kong cih-inah, kote in ka theih uh thu ka gen uh hi. Ka muhte uh teci ka pang uh hi. Ahih hangin kote’ teci pan’na na mang kei uh hi.

Johan 3:11 Referans Kwoze

Johan 8:38

Tua ahih manin keimah in ahihleh ka Paʼ hong lah sa thute bek a gen ka hi a, ahi zongin note na hih uh leh na pa uh hong sawl bangin a gamta na hi uh hi,” a ci hi.

Johan 14:24

Kei hong it lote in ka thugente zui lo ding uh hi. Tu-a na zak uh thute pen keima thu hi lo a, kei hong sawl Pa Pasian kiang panin a hong pai thu ahi hi.

Johan 12:49

Bang hang hiam cih leh keima utthu tawh thu a mawk gen ka hi kei a, kei hong sawl Pa Pasian in ka gen ding thu teng a hong piak ahi hi.

Johan 8:14

Jesu in, “Kei le kei a kigentawm ka hih hangin ka thugente a man mah hi veve hi. Bang hang hiam cih leh koi panin hong pai-in koi lai ah pai ding cih ka kithei a, note in kei ka hong pai khiatna le ka pai nading a thei lo na hizaw uh hi.

Johan 7:16

Tua ahih manin Jesu in, “Ka thugente pen keima thu hi lo a, kei a hong sawl Pasian kiang panin a hong pai thu ahi hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khris minthanna hangin amaute tungah a hong taang lungdamna thu khuavak mu thei lo uh hi.

Isaiah 65:2

A hoih loin gamta-in, amauʼ deih bang a zui teitei mite,

Johan 1:11

A khua le a tui ah va pai a, ahi zongin a khuapih a tuipihte in ama thugen na ngai lo uh hi.

Luka 10:22

Tua ciangin Jesu in amaute kiangah, “Hih nate khempeuh ka Pa in kei tungah hong ap khinzo hi. Pasian sim loh, Tapa a thei kuamah om lo hi. Tapa le Tapa in a theihsak nop mite sim loh, Pa a thei kuamah om lo hi,” a ci hi.

Isaiah 53:1

Tua ciangin mite in, “I zak thu kua in um thei ding ahi hiam? Hih bang thu ah Topa’ vangliatna khut kua in bangci muh theih ding ahi hiam?

Isaiah 50:2

“Kong pai ciangin bang hangin mi khat zong om lo ahi hiam? Kong sap ciangin bang hangin hong dawng ding khat zong om lo ahi hiam? Hong hon zo lo zah dingin ka khut hat lo lua ahi hiam? Tua ahih kei leh zong note khah khiatna ding vangliatna nei lo ka hi hiam? Keima taina tawh tuipi ka keusak a, gunte pen sehnel gam ka suaksak hi. Tui om loh manin a ngasate dangtakin si-in a uih gawp hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

Sawltak 22:18

Tua ka maang sungah Topa in kei kiangah, ‘Hih lai-a om mite in keima thu na gennate hong um lo ding uh ahih manin Jerusalem khua panin kuan khia mengmeng in,’ hong ci hi.

Johan 5:43

Ka Paʼ thu tawh kei hong pai napi-in na hong sang nuam kei uh hi. Tua hi napi-in midang khatpeuh ama thu tawh hong pai tawm leh na sang ding uh hi.

Johan 3:13

Vantung panin a hong pai suk Mihing Tapa keimah sim loh vantungah a pai to ding kuamah om lo hi,” a ci hi.

Johan 3:5

Jesu in, “A mantakin kong genin ah, mi khatpeuh tui le Kha Siangtho tawh a suahkik kei leh Pasianʼ Ukna sungah lut thei lo ding hi.

Johan 3:3

Jesu in, “A mantakin kong genin ah, mi khatpeuh a suahkik kei leh Pasianʼ Ukna sungah lut thei lo ding hi,” a ci hi.

Mattiu 23:37

“Jerusalem, Jerusalem aw, kamsangte na that a, Pasianʼ sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.

Mattiu 11:27

“Ka Pa in kei tungah na khempeuh hong pia khin hi. Pa sim loh Tapa a thei kuamah om lo a, Tapa le Tapa in a theihsak nop mite sim loh, pa a thei kuamah om lo hi.

Isaiah 55:4

David pen mite tungah teci ding, mite a makai ding le a ukpa dingin ka koih hi.

Mangmuhna 3:14

“Laodisia khua pawlpi vantungmi kiangah lai gelh inla, thuman le citakin teci a pang, Pasianʼ piansakte khempeuh a kipatna ahi Amenʼ thugen in:

Johan 3:12

Hih leitung thute tawh a kisai thu kong gen ciangin um lo na hih uh leh vantung thute kong gen ciangin bangci up mah ding na hi uh hiam?

Johan 8:26

Noteʼ thu genin, noteʼ thu ka khen ding tampi tak om hi. Kei a hong sawl pa a thuman a thutak hi a, ama tung panin ka zak sa thute bek leitung mite tungah a pulak ka hi hi,” ci-in a dawng hi.