Johan 21:25 - Tedim Bible Revision 2017

²⁵ Jesu in a sep thute tampi tak om lai hi. A sep khempeuh a banbanin laibu sungah a kigelh hileh a laibute pen leitungah ta zo lo ding hi, ci-in ka um hi.

Tedim Bible

²⁵ Zeisu’ hihna thu adang tampi a om lai hi. Tua ahih nate khempeuh gelh khin lehang a kigelhna laibu leitungah ta zo lo ding hi ci-in ka um hi.

Johan 21:25 Referans Kwoze

Late 40:5

Topa ka Pasian aw, na sep a lamdangte le ko adingin na ngaihsutnate tampi tak na phasak a, kuamah dang tawh tehtheih na hi kei hi. Tuate pulakin gen ding hi leng, gen khit zawh ding hi lo hi.

Late 71:15

Thuman tawh na hotkhiatna na nasepnate sim zawh lohin tam ahih manin sun thapai-in ka gengen ding hi.

JOB (Job) 26:14

Hihte pen ama vangliatna them khat bek hi pan a, i zak thute pen a hemlam bek hi pan hi. Pasian a liatna taktak kuaʼn thei zo ding ahi hiam?” a ci hi.

Hebru 11:32

Tu-a bangin gengen lai ding ihi hiam? Gideon, Barak, Samson, Jefthah, David, Samuel le kamsangteʼ thu i gen nading hun om lo hi.

Sawltak 10:38

Nazareth khuami Jesu tungah Pasian in Kha Siangtho le vangliatna pia a, Pasian in a ompihna hangin tua Jesu in a paina khempeuh ah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 20:35

Topa Jesu mahmah in, ‘Ngahna sangin piak khiatna ah lungdamna lian zaw hi,’ a cihna phawk kawmin nakpi takin nasepna tawh na khempeuh ah a zawngkhalte huh ding hi hang, ci-in note kiangah kong lak khinzo hi,” ci-in a vaikhak hi.

Mattiu 11:5

Mittawte in khua mukik a, khebaite pai theikikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Thuhilh-sia 12:12

Ka ta aw, na phawk ding thudang khat om lai hi. Lai gelhin a bu a bawlna in bei hun nei thei lo a, lai tam sin luatna in pumpi gimsak hi.

Amos 7:10

Bethel ah a om siampi nasem Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gam sung siasak ding hi.

Mattiu 19:24

A dang khat hong gen leuleu ning: Pasian ukna sungah mihau khat a lut ding sangin phim bilvang sungah kalaoh khat a lut ding baih zaw lai hi,” a ci hi.

Marka 5:16

Hih thupiang a mu mi khempeuh in dawivei pa tunga thupiang le vokte thu, mi khempeuh kiangah a gen kawikawi uh hi.