Johan 21:17 - Tedim Bible Revision 2017

¹⁷ Jesu in a thum veina dong leuleu a, “Johanʼ tapa Simon aw, kei na hong it hiam?” a cih ciangin, “Kei na hong it hiam?” ci-in thum vei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesu in, “Ka tuute na kem in.

Tedim Bible

¹⁷ Zeisu in, “Johan’ tapa Simon aw, kei na hong it hiam?” ci-in thumveina a dong hi. “Nang in kei na hong it hiam?” ci-in thumvei a dot man-inah Piter dah a, “Topa aw, nang in na khempeuh na thei a, ke’n nang kong it na thei hi,” a cih ciangin Zeisu in, “Ka tuute na vak in.

Johan 21:17 Referans Kwoze

Johan 13:38

Jesu in, “Kei hong sihpih ngam ding na hi hiam? A mantakin kong genin ah, kei thum veina hong nial khit matengin ak khuang lo ding hi,” ci-in a dawng hi.

Marka 14:72

Tua khit phetin ak nih veina a khuang hi. Tua ciangin, “Ak nih vei a khuan ma-in kei thum veina hong nial ding hi,” ci-in Jesu in ama tungah a gen sa thu Peter in phawkkik a, dah lua-in a kap hi.

Johan 16:30

Tu-in na khempeuh na theih khitna thu ka phawk uh a, ka theihnop uh thute kote in ka hong dot ding uh zong kisam nawn lo ahih manin Pa kiang panin a hong pai na hihna thu ka hong um uh hi,” a ci uh hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

Efesa 4:30

Ni khat ni ciangin Pasian in note hong tatkhiat taktak nading thu a ciantakin hong lahna le Pasianʼ neihsa na hihna uh hong ciaptehna-in Kha Siangtho hong pia ahih manin, tua Pasianʼ Kha Siangtho na dahsak kei un.

Sawltak 15:8

Mihingteʼ lungsim sung thu a thei Pasian in Gentail mite in zong thu a up theih ding mah hi, cih a lahna-in eite tungah a hong piak mah bangin amaute tungah zong Kha Siangtho a pia hi.

Johan 15:10

Ka Paʼ hong thupiakte zui-in ama itna sungah ka om mah bangin note in zong ka thupiaknate na hong zuih uh leh ka itna sungah a om na hi ding uh hi.

Johan 14:15

Tua ciangin Jesu in, “Kei na hong it uh leh ka thupiakte zong na zui ding uh hi.

Late 17:3

Keima lungsim hong sin inla, zan hun sungin ka kiangah hong hawh inla, keimah hong ze-et lecin, ka sungah gitlohna na mu kei ding hi. Ka kampau-in zong bangmah ka khial kei hi.

2 PETER NIHNA 3:1

Ka itte aw, hih ka hong laigelh a nih veina hi a, lungsim siangtak tawh thu na ngaihsut phatkik theih nadingun a nih vei mahin ka hong phawksakkik hi.

1 PETER MASA 1:6

Tua ahih manin tu laitakin miteʼ bawlsiatna a tuamtuam na thuak manun tawl khat na lungkham uh ahi zongin hih bang thuakna hangin lungdam zaw un.

2 KORIN NIHNA 1:12

Koteʼ kisialh pih thu in: hih leitung a ka gamtatnate uh le a diakdiakin note tungah kong gamtatnate uh ah, mihingteʼ pilna a zang hi loin Pasian hehpihna vang tawh, Pasianʼ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

Sawltak 1:24

Tua ciangin amaute in thu ngen uh a, “Mihing khempeuhʼ lungsim sung thu a thei Topa aw, ama om nadingin a kilawm munah a om dingin sawltak nasep panin a hong paisan Judas tang dingin, hih mi nih sung panin na teel penpen hong hilh in,” a ci uh hi.

Johan 18:27

Peter in nialkik leuleu a, tua khit phetin ak a khuang hi.

Johan 18:4

Jesu in zong ama tungah a piang ding thu khempeuh thei khin ahih manin hong pai khia-in amaute kiangah, “Kua zong na hi uh hiam?” ci-in a dong hi.

Johan 12:8

Mizawngte pen note tawh hong om khawm niloh dinga, kei ka hih leh note tawh ka hong om khawm tawntung kei ding hi,” a ci hi.

Mattiu 25:40

Tua ciangin Kumpipa in amaute kiangah, ‘Note kiangah kong genin ah: Hih ka sanggamte a neu pen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Kah la 3:33

Dahna le gimna a hong thuaksak ciangin amah lungdam pah sam lo hi.

Jeremiah 17:10

Keimah Topa in mi khempeuhʼ nuntak zia le a gamtatna tawh kizui-in a pia khia dingin ngaihsutna ka en tel a, lungsim ka sittel hi,” a ci hi.

1 KHANG TANGTHU MASATE 29:17

Nangmah in lungsim en telin thumanna ah na lungkimna ka thei hi, ka Pasian aw. Lungsim thumanna le citna tawh hih nate khempeuh kong pia khin a, tu-in nang tungah citna le lungdamna tawh a hong pia, hih lai ah a om na mite ka mu zo hi.

1 KUMPI MASATE 17:18

Tua ciangin amah in Elijah kiangah, “Pasianʼ mipa aw, keiʼ lang khat ah bang thu nei na hi hiam? Ka khialhna a pholak ding ka tapaʼ sihna a piangsak dingin kei kiangah nong pai hi,” a ci hi.

Joshua 22:22

“A Vanglian Pa, Pasian, Topa! A Vanglian Pa, Pasian, Topa! Amah in thei hi. Israel mahmah in zong thei tahen! Lehdona ahi a, Topaʼ tungah thuman lohna ahi zongin ahih a, Topa zuihna panin a pial dingin biakna tau lam ka hih uh leh, tu ni-in kote hong zah kei hen. Tua ahih kei leh zong, tua tungah meihal biakna ahi a, an tawh biakna ahi a, thunuam a biakna ahi zongin piak nadingin a lam ka hih uh leh Topa mahmah in hong thuk tahen.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisikkik un.

2 SAMUEL NIHNA 7:20

David in nang tungah bang gen thuah nawn ding ahi hiam? Bang hang hiam cih leh nangmah in na nasem pa na thei hi, O Topa Pasian!

Johan 21:18

A mantakin ci lehang, na khangno lai-in na kawnggak gakin na utna peuh ah na pai zialzial thei hi. Ahi zongin na khangham ciangin na khutte na zan dinga, midangte in na khutte hong henin na ut lohna pi ah hong paipih ding uh hi,” a ci hi.

1 KHANG TANGTHU MASATE 17:18

Na nasem pa nong pahtawina ah David in nang tungah bang gen ding nei nawn ahi hiam? Bang hang hiam cih leh nangmah in na nasem pa na thei hi.

Johan 4:16

Tua ciangin Jesu in, “Va ciahin na pasal va sam inla, hih lai ah hong paikik un,” a ci hi.

Sawltak 11:10

Tu-a bangin a thum veina dong hong cih khit ciangin vantungah tua a peek deda kilatokik hi.