Johan 20:25 - Tedim Bible Revision 2017

²⁵ Tua ahih manin nungzui dangte in ama kiangah, “Topa ka mu uh hi,” a cih uh leh amah in, “A khut, siktukkilh tawh a kikilhna mate mu-in, tua a siktukkilh ma vangah ka khutmete ka va khum teek kei a, ama pangpi zong ka khut tawh ka lawn teek kei leh ka um kei ding hi,” a ci hi.

Tedim Bible

²⁵ Tua ahih ciangin nungzui dangte in, “Topa ka mu zo uh hi,” ci-in Thomas kiangah a gen uh ciangin amah in, “A khut a, sikkhetna pawn mu-in, sikkhetna pawn sung ka khutme tawh lawng a, ama pang zong ka khut tawh ka lawn’ kei leh, ka um kei ding hi,” a ci hi.

Johan 20:25 Referans Kwoze

Johan 6:30

Tua ciangin amaute in, “Kote in mu-in ka hong up theih nadingun bang nalamdang hong bawl dinga, bang hong sem ding na hi hiam?

Marka 16:11

Ahi zongin Jesu a nuntakna thu le tua nu mahmah in a muh khitna thu a genna a zak uh hangin, a thugen um zo lo uh hi.)

Hebru 3:18

Thupi takin Pasian kiciamin, “Ka tawlngakna munah hong pai-in, kei tawh tawlnga ngei lo ding uh hi,” a cih ciangin kuate a cihnopna ahi hiam? Amah a lehdote a cihna ahi hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na om khak loh nadingun na kingaihsun un.

Johan 21:7

Tua ciangin Jesu in a it nungzui pa in Peter kiangah, “Topa hi!” a ci hi. Simon Peter in Topa ahihna thu a zak ciangin (a nga betna uh ah a puante uh suah khia uh ahih manin) a puan silh buatbuatin tui sungah a leeng khia hi.

Johan 1:41

A zing ciangin a u Simon zong pahin ama kiangah, “Messiah ka mu zo uh hi,” a ci hi. Tua pen Khris a cihnopna ahi hi.

Luka 24:25

Tua ciangin Jesu in amau tegel kiangah, “Bangzah takin hai a, bang dingin kamsangteʼ thugen um thei lo na hi uh hiam?

Mattiu 27:42

“Amah in midangte hon khia thei napi-in a mahmah kihon khia thei lo hi. Amah, Israel miteʼ Kumpi ahi hi. Tu-in singlamteh tung panin hong kum suk leh i um ding hi.

Late 78:32

Hih nalamdangte khempeuh a om khin hi napi-in amaute khial lai veve uh a, ama nalamdangteʼ hangin amaute in um tuan lo uh hi.

JOB (Job) 9:16

Thukhen zumah amah samin hong pai hi ta mah leh zong ka thumna hong ngai dingin ka um tuan kei hi.

Late 22:16

Ka kiimah uite om a, siatna bawl mi hon khat in kei hong umcih uh hi. Ka khut ka khete hong sun let zo uh hi.

Marka 16:13

Hih tegel zong kilehkikin a lawm dangte uh kiangah gen uh a, ahi zongin amauʼ thugen, na um lo uh hi.)

Marka 16:14

(Tua khit ciangin a tawpna ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu miteʼ thugen um lo uh ahih manin a lungkhauhna uh le a up lohna hangun amaute a taii hi.

Johan 20:27

Thomas kiangah, “Na khutme tawh hong lawng inla ka khutte en in. Na khut zan inla ka pangpi zong lawng in. Um lah nawn kei inla, um taktak in,” a ci hi.