Johan 20:22 - Tedim Bible Revision 2017

²² Tua khit ciangin amaute lamah a hu sang a, “Kha Siangtho na sang un.

Tedim Bible

²² Tua ciangin amaute tungah mut a, “Kha Siangtho na sang ta un.

Johan 20:22 Referans Kwoze

JOB (Job) 33:4

Bang hang hiam cih leh Pasianʼ kha in kei hong sawl a, Vanglian pa in kei tungah nuntakna hu hong pia hi.

Piancilna 2:7

Topa Pasian in leilak pan a leivui tawh mihing bawl a, a nak sungah nuntakna hu sang suk hi. Tua mi pen leitung nuntakna a nei mihing hong suak pah hi.

Sawltak 19:2

“Thu na up uh ciangin Kha Siangtho na ngah uh hiam?” ci-in a dot leh, “Kha Siangtho a om lam nangawn ka za nai kei uh hi,” ci-in a dawng uh hi.

Sawltak 8:15

Amaute a tun uh ciangin tua lai-a om thu um mite in Kha Siangtho a ngah nadingun thu a ngetsak uh hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesu Khris min tawh tui kiphum ciat un. Tua hileh Pasianʼ piakkhong Kha Siangtho na ngah ding uh hi.

Ezekiel 37:9

Tua ciangin amah in kei kiangah, “Mihing ahi Ezekiel aw, huihte tungah thu gen inla, hih a si sa pumpite sungah hu sangin a hingkiksak dingin mun khempeuh panin hong pai un, ci-in Topa Pasian in thu hong pia hi, ci-in gen in,” hong ci hi.

Late 33:6

Topaʼ kampauna tawh vantung piang a, a kam pan a husanna tawh vantung nate a piang hi.

Sawltak 2:4

Amaute khempeuh Kha Siangtho tawh kidim uh a, tua Kha in minam dangteʼ pau tawh amaute a pau theisak hi.

Johan 7:39

Jesu in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasianʼ pianzia nei-in sihna panin Jesu kithokiksak nai lo ahih manin Kha Siangtho kipia khia nai lo hi.

Galati 3:2

Thukham na zuihna hangun Pasianʼ Kha Siangtho ngah na hi uh hiam, ahih kei leh lungdamna thu za-in na upna hang uh hizaw ahi hiam?

Sawltak 4:8

Tua ciangin Kha Siangtho tawh kidimin Peter in dawng a, “Makaite le upate aw,

Sawltak 10:47

“Eite mah bangin hih mite in zong Kha Siangtho ngah uh hi. Tui sungah a kiphum ding uh kuaʼn kham thei ding ahi hiam?” ci-in a gen khit ciangin,

Johan 15:26

“Ahi zongin Thuman a hong lak ding Huhpa ahi Kha Siangtho ka Pa kiang panin ka hong sawl ding hi. Amah hong tun ciangin keima thu hong gen ding hi.

Johan 14:16

Keimah in Pa kiangah ka ngen dinga, note tawh a om khawm tawntung dingin Thuman a hong lak Kha Siangtho, note hong Huhpa ding a hong pia ding hi.

Johan 16:7

A taktakin ci lehang, kei paikhia kei leng note hong Huh ding pa hong pai lo dinga, kei paikhia leng note hong Huh ding pa hong sawl ding ka hih manin kei va paikhia leng note adingin hoih zaw tham hi.

Johan 20:21

Tua ciangin Jesu in amaute kiangah, “Note in nopna ngah ta un. Pa in kei a hong sawl bangin note zong ka hong sawl hi,” ci-in a vaikhak leuleu hi.

Johan 20:23

Miteʼ mawhna na maisak uh leh amauteʼ mawhna a mai hi dinga, na maisak kei uh leh amauteʼ mawhna a mai lo hi ding hi,” a ci hi.