Johan 20:19 - Tedim Bible Revision 2017

¹⁹ Tua ni pen Nipi ni nitak lam hi a, nungzuite zong a nitakin inn sung khat ah a kikhop laitakun Jerusalem khua-a Jew mi uliante a kihtakna uh hangin inn a kikalhnelh uh hi. Tua bang hi napi-in amaute lakah Jesu hong dinga, “Nopna ngah ta un,” ci-in a hopih hi.

Tedim Bible

¹⁹ Ni sagih lakah ni kipat ni, a nitak ciangin Judah mite a kihtak man-unah a nungzuite in kikhopna-ah kongkhakte khakin a om uh a, tua sungah Zeisu hong lut a, amau lai zangah ding-in, “Nopna na ngah ta un!” a ci hi.

Johan 20:19 Referans Kwoze

Johan 20:26

Tua zawh nipikal khat ciangin nungzuite zong inn sung khat ah kikhawm leuleu uh a, tua hunin Thomas zong a om hi. Amaute kong kikhaknelh uh hi napi-in Jesu hong pai-in amaute lakah hong dinga, “Nopna ngah ta un,” ci-in a hopih khit ciangin

Johan 14:27

Note tungah keima neih bang lungnopna kong pia ding hi. Tua ka hong piak ding lungnopna pen leitung mite in a piak theih a kip lo lungnopnate pawl hi lo hi. Tua ahih manin lau kei unla, zong lungkham kei un.

Johan 20:21

Tua ciangin Jesu in amaute kiangah, “Note in nopna ngah ta un. Pa in kei a hong sawl bangin note zong ka hong sawl hi,” ci-in a vaikhak leuleu hi.

Efesa 2:14

Khris mahmah in Gentail mite le Jew mite pawl khatin hong bawl ahih manin eite tungah nopsakna a hong pia pa ahi hi. Hih minam nihte khenin gal a piangsak dalna pen Khris in ama pumpi tawh a satkham hi.

2 THESALONIKA NIHNA 3:16

Eite tungah nopsakna a hong pia thei Topa in note tungah a tawntungin nopsakna hong pia henla, amah in note khempeuh hong ompih tahen.

Johan 7:13

Ahi zongin Jerusalem khua-a Jew mi uliante a kihtakna hangun kuamah in Jesu thu a kilangin gen ngam lo uh hi.

Marka 16:14

(Tua khit ciangin a tawpna ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu miteʼ thugen um lo uh ahih manin a lungkhauhna uh le a up lohna hangun amaute a taii hi.

Mangmuhna 1:4

Johan in Asia gam sungah a om pawlpi sagihte tungah a khak lai ahi hi. A beisa hun, tuhun le mailam hunah a om tawntung Pasian kiang pan le ama tokhom mai-ah a om Kha Siangtho sagihte tung pan le,

1 KORIN MASA 15:5

Tua ciangin Peter kiangah kilang a, a zomah sawltak sawm le nihte kiangah kilang hi.

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Hebru 7:2

Abraham in a na ngah khempeuh sung panin Melkhizedek tungah sawm-ah-khat a pia hi. Melkhizedek min a khiatna in, “Thuman Kumpi,” a cihna hi phot a, tua banah Jerusalem khua kumpi zong hi lai ahih manin ama min pen, “Kilemna Kumpi,” cihna zong ahi hi.

Filippi 1:2

I Pa Pasian le Topa Jesu Khris in note tungah dikna le nopsakna thupha hong pia tahen.

Efesa 6:23

Pa Pasian le Topa Jesu Khris in ulenaute khempeuh tungah nopsakna le itna, thu upna tawh hong pia khawm tahen.

ROM (Romans) 15:33

Nopsakna a hong pia Pasian in note khempeuh hong ompih tahen. Amen.

Johan 16:22

Note zong tua mah tawh na kibang ding uh hi. Note zong tu-in na dah uh hangin note tawh kimukik ding ihih manin na lung uh dam mahmah dinga, tua na lungdamna uh kuamah in hong beisak thei lo ding hi.

Mattiu 18:20

Bang hang hiam cih leh keima minin mi nih le thum bek nangawn a kikhopna peuhpeuh ah kei ka om hi,” a ci hi.

Mattiu 10:13

Tua na hopihna uh inn sunga mite in note hong tunsak nop leh na hopihna thupha uh amaute tungah kip dinga, ahi zongin hong tunsak nop kei uh leh na hopihna thupha uh na dokkik ding uh hi.

Late 122:8

Sanggamte le kikholhpihte ka khualna-in, “Jerusalem in nopna om tahen,” ka ci ding hi.

Johan 21:1

Tua khit ciangin a nungzuite omna Tiberias Tuili gei ah Jesu kilang leuleu a, a thu pianzia hih bang ahi hi:

Johan 21:14

Hih pen sihna panin Jesu a kithawhkiksak khit zawh nungzuite tungah a kilah a thum veina hi ta hi.

Sawltak 1:3

Ama sih khit zawh ni sawm li sung amaute tungah tam veipi kilang a, amah a nungta taktak ahihna teltakin a kithei ahi hi. Amaute in amah mu uh a, Pasianʼ Ukna thu amaute tungah a gen hi.

3 JOHAN THUMNA 1:14

Nang tawh kimu baih thei dingin kilamen ka hih manin, tua hun ciangin maitang kimu-in i kiho ding hi.