Johan 20:17 - Tedim Bible Revision 2017

¹⁷ Tua ciangin Jesu in, “Kei hong lenlen nawn kei in. Ka Pa kiangah a pai to nai lo ka hi hi. Ka sanggamte kiangah va pai inla, ‘Keima Pa le noteʼ Pa, keima Pasian le noteʼ Pasianʼ kiangah ka pai ding hi,’ ci hi, ci-in va gensak zaw in,” a ci hi.

Tedim Bible

¹⁷ Zeisu in, “Hong len kei in. Bang hang hiam na cih leh, ka Pa kiangah ka kahto nai kei hi. Ka sanggamte kiangah pai in la, ‘Ka Pa ahi note’ Pa, ka Pasian ahi note’ Pasian kiangah ka kahto ding hi,’ ci-in amaute kiangah va gen in,” ci-in a sawl hi.

Johan 20:17 Referans Kwoze

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

1 PETER MASA 1:3

I Topa Jesu Khrisʼ Pa Pasian tungah lungdam ni. Ama hong hehpih mahmahna hangin sihna panin Jesu Khris a thawhkiksakna tawh eite tungah nuntakna thak a hong pia hi. Tua ahih manin i lametna kiam ngei lo a,

Galati 3:26

Khris Jesu tawh na kipawl manun note khempeuh Pasianʼ tate na suah theihna uh pen na upna hang uh ahi hi.

Johan 17:11

Tu-in nangma kiangah kei a hong pai ta ding ka hih manin leitungah ka om nawn kei dinga, ahi zongin amaute a om lai ding uh ahi hi. Tua ahih manin a Siangtho ka Pa aw, nang le kei pum khat ihih mah bangin amaute zong pum khat ahih nadingun na vangliatna tawh hoihtakin na kem in.

1 JOHAN MASA 3:2

Ka lawm itte aw, eiteʼ pianzia ding taktak a telin hong kilat nai loh hangin tu-in Pasianʼ tate ihi hi. Ahi zongin Khris hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Marka 16:19

(Tua bangin Topa Jesu in amaute tungah thu a gen khit ciangin vantungah kila to-in Pasianʼ tak lamah a tu hi.

Late 68:18

Topa nangmah Pasian tua munah na om theih nadingin a sangna ah kah to-in salte na paipih a, mihonte le mi lehdoteʼ tung nangawn panin piakkhong nate na ngah hi.

Mangmuhna 21:3

Tokhom panin nakpi takin awging khat ka za a, “Tu-in Pasian omna inn pen mite tawh om khawm ta hi. Pasian in amaute ompih dinga, amaute pen ama mite hi ding uh hi. Pasian mahmah amaute tawh om khawm dinga, amah pen amauteʼ Pasian hi ding hi.

2 KORIN NIHNA 6:18

Kei pen noteʼ Pa hong hi-in, note, keima tate na hi ding uh hi,” na ci hi.

ROM (Romans) 8:29

Pasianʼ Tapa mi khempeuh lakah a upa pen a suah theih nadingin Pasian in a teel kholh sa mite, a Tapa tawh a kibang dingin a seh sa ahi hi.

Johan 17:25

A Thuman ka Pa aw, leitung mite in nang hong thei lo uh hi. Ahi zongin keimah in nang ka hong thei a, kei na hong sawlna thu hih mite in zong a thei uh hi.

Mattiu 28:7

Tu-in manlang takin va ciah unla, a nungzuite kiangah, ‘Sihna panin Jesu kithosak khin a, Galilee gam note mai ah a pai ding hi. Tua lai ah amah na mu ding uh hi,’ ci-in va gen un. Hih kong gen thute hoihtakin ciamteh un,” a ci hi.

Mattiu 12:50

Vantungah a om ka Paʼ deihna bangin a gamta mi peuhmah ka sanggam pasal, ka sanggam numei, ka nu ahi uh hi,” ci-in a dawng hi.

Mangmuhna 21:7

A gualzo mi khempeuh in kei tung panin a ngah ding thu in: Kei pen amauteʼ Pasian ka hi dinga, amaute keima ta ahi ding uh hi.

Hebru 8:10

Ahi zongin tu-in Israel mite tawh ka bawl ding thuciamna hih bang ahi hi. Amaute sungah ka thukham ka guang dinga, amaute lungtang tungah gelhin, amauteʼ Pasian ka hi dinga, amaute pen keima mi ahi ding uh hi.

Johan 20:27

Thomas kiangah, “Na khutme tawh hong lawng inla ka khutte en in. Na khut zan inla ka pangpi zong lawng in. Um lah nawn kei inla, um taktak in,” a ci hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Johan 14:28

‘Ka va paikhia dinga, ahi zongin note kiangah ka hong paikik ding hi,’ ka cihna thu na za khin uh hi. Kei sangin a lian zaw Pa Pasian kiangah a va pai ding ka hih manin kei na hong it nak uh leh ama kiangah ka paina hangin na nuam zaw ding uh hi.

Johan 14:2

Noteʼ om nading mun a bawl khol dingin a pai ding ka hi hi. Ka Paʼ inn sungah om nading mun tampi om hi. A om lo ding hileh hih bangin thu kong gen kei ding hi.

Johan 13:3

A Pa in ama khut sungah vangliatna khempeuh a piakna le Pasian in amah a sawl mah bangin tu-in Pasian kiangah a paikik ding ahihna thu zong a thei hi.

Johan 13:1

Tu-in Paisan Pawi hun ding ni khat bek in sam a, Jesu in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 7:33

Jesu in tua mite kiangah, “Note lakah tawl khat ka om lai dinga, tua ciangin kei hong sawl pa kiangah ka pai ding hi.

Luka 10:4

Sum ahi a, ip ahi a, khedap a val ahi zongin keng kei un. Lamkal ah mi tawh kimawk hoho kei un.

Ezekiel 37:27

Amaute tawh teeng khawmin, amauteʼ Pasian ka hi dinga, amaute pen keima mite hi ding uh hi.

Ezekiel 36:28

Tua ciangin na pu na pate uh tungah ka piak sa gamah na teeng ding uh a, note pen keima mi hi-in, kei pen noteʼ Pasian ka hi ding hi.

Jeremiah 32:38

Amaute keima mi hi ding uh a, kei pen amauteʼ Pasian ka hi ding hi.

Jeremiah 31:33

Ahih hangin Topa in kong cih in ah, tua hun hong tun ciangin Israel minamte tawh hih bangin thuciamna ka bawl ding hi: Amauteʼ sungah ka thukham ka koih dinga, amauteʼ lungtang tungah ka gelh ding hi. Kei pen amauteʼ Pasian ka hi dinga, amaute pen keima mite ahi ding uh hi.

Late 89:26

Amah in kei kiangah, ‘Nang pen keima Pa le ka Pasian na hi a, kei a hong hon khia pa le a hong hupa na hi hi,’ hong ci ding hi.

2 KUMPI NIHNATE 7:9

Tua ciangin amaute khatlekhat in, “A manin i gamta kei hi. Tu ni pen thu thak a hoih i theih ni ahi hi. Eite pau loin zingsang khuavak dong ngak lehang gimna i thuak ding hi. Tua ahih ciangin tu-in hong pai un. Eite pai-in kumpipa innkuante kiangah va gen ni,” kici uh hi.

Mattiu 25:40

Tua ciangin Kumpipa in amaute kiangah, ‘Note kiangah kong genin ah: Hih ka sanggamte a neu pen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Late 43:4

Tua ciangin na biakna tau ah ahi a, ka lung a hong damsak Pasian kiangah ahi zongin ka pai dinga, laiza khausai lasakna tawh nang kong phat ding hi, aw Pasian, ka Pasian aw.

Late 22:22

Ka u ka naute tungah nangma min ka gen dinga, mihon kikhopna laizang ah nangmah kong phat ding hi.

2 KUMPI NIHNATE 4:29

Amah in Gehazi kiangah, “Na kawng gak inla na khut ah ka ciangkhut tawi-in pai in. Mi khatpeuh in nang hong hopih leh zong dawng kei in. Tua ciangin naupangʼ mai tungah ka ciangkhut va nga in,” a ci hi.

Hebru 11:16

Ahi zongin amauteʼ lunggulh pen leitung sangin a hoih zaw vantung gam ahi hi. Pasian in amaute adingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong tha khauhsakin kong huh dinga, nang hong huhin ka hong hon khia ding hi.

Marka 12:26

Thawhkikna thu tawh kisai-in ci lehang, Mosesʼ laigelhna sung sawlpang kuang thu a genna munah Pasian in Moses kiangah, ‘Kei pen Abrahamʼ Pasian, Isaacʼ Pasian, Jakobʼ Pasian ka hi hi,’ a cihna mun sim ngei lo na hi uh hiam?