Johan 2:19 - Tedim Bible Revision 2017

¹⁹ Jesu in, “Hih biakinn susia le-uhcin ni thum sungin ka dingsakkik ding hi,” ci-in a dawng hi.

Tedim Bible

¹⁹ Zeisu in zong, “Hih biakna innpi na phel gawp uh leh, ni thum sungin ka lamkik ding hi,” a ci hi.

Johan 2:19 Referans Kwoze

Marka 14:58

“Mihingteʼ lam hih biakinn ka susia dinga, ni thum khit ciangin mihingteʼ lam ahi lo a dang khat ka lam ding hi,” a cihna ka za uh hi, ci-in hong gen uh hi.

Marka 15:29

Amah a va mu kha mi peuhpeuh in a lu uh singin zahpih bawl uh a, “A! Biakinn susia-in ni thum sungin a lamkik ding pa!

Mattiu 27:40

“Biakinn susia-in ni thum sungin a lamkik ding pa aw, nang le nang kihon khia in. Pasianʼ Tapa na hih takpi leh singlamteh tung panin hong kum suk in,” ci-in a zahko uh hi.

Mattiu 12:40

Ngasa gilpi sungah sun thum le zan thum sung Jonah a om mah bangin Mihing Tapa zong sun thum le zan thum sung mah lei sungah om ding hi.

ROM (Romans) 8:11

Sihna panin Jesu a thokiksak Pasianʼ Kha Siangtho note sungah hong om leh sihna panin Khris a hingkiksak pa mah in note sungah a om ama Kha Siangtho mah tawh a si thei pumpi a hong nungtasak ding hi.

Sawltak 3:15

Tua ahih ciangin mite tungah nuntakna a pia pa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Sawltak 2:32

Pasian in sihna panin hih Jesu hingkiksak a, kote khempeuh pen hih thu a thei teci vive ka hi uh hi.

Sawltak 2:24

Ahi zongin Pasian in misite lak panin amah hingkiksak a, sihna in amah lencip zo lo ahih manin sihna hanga gimna panin amah a suaktasak hi.

1 PETER MASA 3:18

Khris mahmah zong note adingin si a, Pasianʼ kiangah hong tunpih theih nadingin mihoih khat pen mihoih loteʼ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

ROM (Romans) 6:4

I Paʼ vangliatna tawh sihna panin Khris a kithawhkiksak mah bangin eite zong nuntakna thak i nuntak theih nadingin tui i kiphum ciangin amah tawh kiphum khawmin a si khawm ihi hi.

Johan 11:25

Tua ciangin Jesu in, “Keimah in a si sa mite thosakin a hingsak thei pa ka hi hi. Kei hong um mi peuhmah a sih hangin nungta ding hi.

Marka 8:31

Tua ciangin Jesu in, “Mihing Tapa in tampi tak thuak ding hi; upate, siampi liante le Thukham hilh siate in amah nial ding uh hi. Amah kithat dinga, ni thum khit ciangin hingkik ding hi,” ci-in a nungzuite hilh ding a kipan hi.

Kolose 2:12

Note tui na kiphum uh ciangin Jesu tawh kiphum khawmin, misiteʼ lak panin Khris a thosak Pasianʼ vangliatna na up manun Khris mah tawh tuiphumna panin a thokhawm leuleu na hi uh hi.

1 KORIN MASA 15:12

Tu-in gen penin a kinei thu in: Sihna panin Khris kihingkiksak hi, cihna thu ahih manin, bang hangin note pawl khat in, misite thokik lo ding hi, ci thei na hi uh hiam?

ROM (Romans) 4:24

Sihna panin i Topa Jesu a hingsak pa a um eite khempeuh zong i upna hangin mihoihin hong kisang ding hi, ci-in eite adingin zong a kigelh ahi hi.

Sawltak 3:26

Eite khempeuh i gitlohna panin kikheelin thupha a hong piak theih nadingin Pasian in a Nasem dingin Jesu teelin, eite kiangah a hong sawl masa ahi hi,” ci-in thu a gen hi.

Johan 5:19

Tua ahih manin Jesu in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muh teng bek a sem ahi hi. Tua hi a, a Pa in a sep teng mah a Tapa in zong a sem ahi hi.

Mattiu 27:63

“Topa aw, hih mi khem pa in a nuntak lai-in, ‘Ni thum khit ciangin ka hingkik ding hi,’ ci-in a thugenna ka thei uh hi.

Mattiu 16:21

Tua hun a kipanin Jesu in a nungzuite kiangah, “Jerusalem khua ah ka pai ding hi. Upate, siampi liante le Thukham hilh siate tung panin gimna tampi ka thuak ding hi. Kei hong kithat dinga, ni thum ni-in hong kihingkiksak ding hi,” ci-in teltakin gen a kipan hi.

Sawltak 6:14

Hih Nazareth khuami Jesu in biakinnpi phel gawpin, Moses tung pek panin a hong kipan ngeina khempeuh khel mang ding hi, ci-in a thuhilhna ka za uh hi,” a cisak uh hi.