Johan 2:14 - Tedim Bible Revision 2017

¹⁴ Biakinn huang sung a lut ciangin bawng, tuu le kawl vakhu zuakte mu a, sumkhekte zong a sumkhekna sabuai ah a tu mu hi.

Tedim Bible

¹⁴ Biakna innpi sungah bawngte, tuute, vakhute a zuakte leh sumkheekte tu-a om uh a muh ciangin;

Johan 2:14 Referans Kwoze

Marka 11:15

Jerusalem khua a tun uh ciangin, biakinn huang sungah Jesu lutin tua sungah sumzuak sumlei a a omte hawlkhiat ding kipan a, sumkhekteʼ sabuaite lumlet sakin, vakhu zuakteʼ tutphahte sawn paihsak hi.

Marka 11:17

Tua ciangin mite kiangah thu hilh a, “Ka inn pen mi khempeuh adingin thungetna inn kici ding hi,” ci-in Pasian in a genna thu Lai Siangtho sungah kigelh hi lo ahi hiam? Ahi zongin note in guta buluhteʼ bukna mun na suaksak uh hi, ci-in thu a hilh hi.

Ezekiel 36:38

Tuhunin a sia-in a omcip khuapite pen a kiseh pawi hun ciangin biak nadingin a kipaipih, Jerusalem-a tuuhonpi om muamua bangin, mi tampi tawh kidim ding uh hi. Tua ciangin Topa ka hihna thu hong thei ding uh hi,” hong ci hi.

Johan 2:15

Amah in zong khauteep bawlin biakinn huang sung panin tuu le bawng a kipan ganhing khempeuh hawl khia a, sumkhekteʼ sabuai zong sawn paihsakin a sum khempeuh a thehthangsak hi.