Johan 19:9 - Tedim Bible Revision 2017

⁹ Tua ahih manin kumpi inn huang sungah lutkikin Jesu kiangah, “Koi lai panin a hong pai na hi hiam?” ci-in a dong hi. Ahi zongin Jesu in dawng lo ahih manin,

Tedim Bible

⁹ mang inn sungah lut kikin, “Nang koi pan hong piang na hi hiam?” ci-in a dot ciangin, Zeisu in kamkhat beek a dawng kei hi.

Johan 19:9 Referans Kwoze

Johan 18:33

Tua ciangin kumpi huang sungah Pilat ciahkik a, Jesu samin, “Nang Jew miteʼ kumpi na hi hiam?” ci-in a dot leh

Filippi 1:28

Note a hong gualzosak ding pa pen Pasian ahih manin na galte uh na kihta kei un. Hang takin om tawntung le-uhcin, note a gualzo ding hi-in, na galte uh a guallel ding ahihna thu, na galte un hong thei ding hi.

Johan 8:14

Jesu in, “Kei le kei a kigentawm ka hih hangin ka thugente a man mah hi veve hi. Bang hang hiam cih leh koi panin hong pai-in koi lai ah pai ding cih ka kithei a, note in kei ka hong pai khiatna le ka pai nading a thei lo na hizaw uh hi.

Mattiu 26:63

Jesu pau loin a om hi. Tua ciangin siampi lianpen pa in, “Pasianʼ Tapa, Khris na hih leh na hih loh nong gen nadingin a nungta Pasianʼ min tawh khauh takin ka hong sawl hi,” a ci hi.

Isaiah 53:7

“Amah kinengniamin gimna a kithuaksak hangin amah kam khat beek pau lo hi. Sa gote kiangah a kipaipih tuuno le a mul mette mai ah a kipaipih tuu a ham loh mah bangin amah kam khat beek pau lo hi.

Thukhente 13:6

Tua ciangin tua nu pai-in a pasalʼ kiangah gen a, “Pasianʼ mi khat ka kiangah hong pai a, ama mel pen Pasianʼ vantungmi mel tawh kibangin dipkuathuai mahmah hi. Koi panin hong pai cih amah ka dong kei a, amah in ama min hong gen lo hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesu in, “Kumpi hi, nangmah in na hong ci hi. Hih thuman a gen khia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Mattiu 27:27

Tua ciangin Pilatʼ galkapte in ama omna kumpi inn ah Jesu paipih uh a, tua lai ah galkap khempeuh a hong kikaikhawm uh hi.

Luka 23:9

Tua ahih manin Herod in thu tampi tak dong a, ahi zongin Jesu in kam khat beek dawng lo hi.

Johan 18:28

Tua ciangin Kaiafasʼ inn panin gam ukpa Pilatʼ omna kumpi inn ah Jesu a paipih uh hi. Tua hun pen zingsang tung ahi hi. Jew mite ahihleh Paisan Pawi annekna sungah kihel nuam uh ahih manin biakna vai-in a siang a suah theih nadingun kumpi inn huang sungah lut lo uh hi.

Johan 18:34

Jesu in, “Nangʼ lungsimah a piangtawm hong dong na hi hiam, tua ahih kei leh midangte in keima thu hong gen ahi hiam?” ci-in a dawng hi.

Johan 19:8

Pilat in a zak ciangin a lunghimawh semsem hi.

Johan 19:10

“Hong dawng lo ding na hi hiam? Nang thah theih nading le khah theih nading thu ka neih lam phawk lo na hi hiam?” a cih ciangin