Johan 19:30 - Tedim Bible Revision 2017

³⁰ Jesu in tua leenggah-zuhau ciamin, “Man khinta hi,” a cih khit ciangin a lu puksukin a si ta hi.

Tedim Bible

³⁰ Tua hi a, Zeisu in tui a ngah khit ciangin, “A zo zo hi,” ci-a a lu su-in a si hi.

Johan 19:30 Referans Kwoze

Johan 17:4

Nangmah in sep dingin na hong piak nasep khempeuh sem khinta ka hih manin leitungah na min a thangsak ka hi hi.

Filippi 2:8

Amah hong kiniamkhiat tawm a, singlamteh tung nangawn ah sih ding a ut hi.

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Johan 10:11

“Kei, tuucing hoih ka hi hi. Tuucing hoih in a tuute sihpih ngam hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawm sagih mun sagih sung a kiseh zo hi. Tua ciangin mawhna kimaisak dinga, a tawntung thutang thu a hong tung ding hi. Gen kholhna le maangmuhna thu a mantakin hong tangtung dinga, a Siangtho Pen Mun biakinnpi kisiansuah ding hi.

Luka 23:46

Tua ciangin nakpi takin Jesu kiko a, “Pa aw, nangma khut sungah keimah kong ki-ap hi,” a cih khit ciangin a si ta hi.

Isaiah 53:10

Ahih hangin amah a kisatnim ding pen Topa’ deihna ahi hi. Amah in natna thuaksak hi. Mawhna hangin ama pumpi a kipiak ciangin amah in a suanlekhakte mu dinga, ama khan a sau ding hi. Topa’ deihna ama khut sungah pung ding hi.

ROM (Romans) 10:4

Bang hang hiam cih leh upna a nei mi khempeuh Pasian tawh a kipawl theih nadingin Khris in Thukham a beisak hi.

Johan 19:28

Tua hun ciangin Jesu in na khempeuh kicing ta hi, ci-in thei ahih manin Lai Siangtho sungah a kigelh thu a tun theih nadingin, “Ka dangtak hi,” a ci hi.

Marka 15:37

Tua ciangin nakpi takin Jesu kiko-in a laitat hi.

Johan 10:18

Kuamah in ka nuntakna hong laksak thei lo a, keima utthu tawh ka piak hizaw hi. Ka nuntakna piakkhiat theih nading le lakkik theih nading thu ka Pa in kei tungah a hong piak ahi hi,” a ci hi.

Johan 4:34

Tua ciangin Jesu in, “Keimah hong sawl paʼ deihna bangin na semin, sep dingin hong piak nasep zawhna pen ka nuntakna an ahi hi.

Mattiu 20:28

Mihing Tapa zong nasem nei dingin hong pai hi loin midangte ading na semin, mi tampi tat nading a si dingin a hong pai ahih mah bangin note zong a tua ci ding na hi uh hi,” a ci hi.

Mattiu 27:50

Tua ciangin Jesu nakpi takin kiko kikin a si ta hi.

Isaiah 53:12

Tua ahih ciangin amah pen mi liante tawh nate ka hawmsak dinga, amah in mihatte tawh nate a hawm ding hi. Bang hang hiam cih leh amah in sihna dongin a nuntakna pia khia a, khialhna a nei mite tawh a kisim khawm hi. Ahih hangin amah in mi tampiʼ mawhna pua a, khialhna a neite adingin a thumsak hi.

Late 22:15

Ka thahatna, leibeel phel bangin keu a, ka leii zong toncip ta hi. Nangmah in leivui sungah kei na hong koih hi.

Hebru 9:22

Thukham kizatna sungah na khempeuh sisan tawh kisiansuah a, sisan a kiluansak khit ciang bekin mawhna kimaisak thei pan hi.

ROM (Romans) 3:25

Ama hong sihna hangin mawhna a kimaisak theih nadingin Pasian in Jesu hong pia a, amah a umte in mawhmaisakna a ngah uh hi. Amah tawh i kipawl theih nading zia hong lahna-in hih bangin Pasian a hong gamta ahi hi. Pasian a lungduaina hangin a beisa hunah i mawhnate hong en khong phot hi.

Mattiu 3:15

Ahi zongin Jesu in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

1 KORIN MASA 5:7

Note na siangtho theih nadingun mawhna silngo luite na paikhia un. Tua hileh silngo sawh loh annel lom thak na hi ding uh a, zong ahi takpi mah na hi uh hi. Bang hang hiam ci leh i Paisan Pawi hun hong tung ta a, eiteʼ Paisan Tuuno ahi Khris kigo khinzo ta hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkap maang lianpa in khuapi le biakinnpi a susia ding hi. A beina pen tuiciin tun bang hi dinga, a tawp dongin galdona le kisiatna vive ahi dingin Pasian in thu a khen zo hi.

Luka 22:37

Bang hangin hih bangin hong gen ka hi hiam cih leh, Lai Siangtho in, ‘Mawhneite lakah amah kihelsak hi,’ ci-in keima thu a genna pen hong tung ding hi,” a ci hi.