Johan 19:24 - Tedim Bible Revision 2017

²⁴ Ahi zongin amaute in, “Hih puan bal kek kei ni. A ngah ding i theih nadingin ai san ni,” a kici uh hi. Lai Siangtho sungah, “Amaute in ka puante hawm uh a, ka puan tualpi ngah nadingin ai a san uh hi,” ci-in a kigelhna a tun nadingin hih bangin galkapte a gamta ahi uh hi.

Tedim Bible

²⁴ Tua ahih ciangin, “Hih puan balkeek kei ni. Kua in ngah ding hiam lai-ai i saan ding hi,” ci-in, Lai Siangtho sungah a kigelhna thu a tun’ nadingin galkapte a kikum uh hi. Tua thu in: “Amaute khat leh khat in ka puan a hawm uh hi; Ka puan tungah lai-ai a saan uh hi,” ci-in a kigelh hi. Galkapte in tua thu a bawl uh hi.

Johan 19:24 Referans Kwoze

Late 22:18

Amaute in ka puante hawm uh a, ka puan a hawm nadingun lai ai a san uh hi.

Johan 19:28

Tua hun ciangin Jesu in na khempeuh kicing ta hi, ci-in thei ahih manin Lai Siangtho sungah a kigelh thu a tun theih nadingin, “Ka dangtak hi,” a ci hi.

Sawltak 13:27

Jerusalem khua-a a teeng mite le a makaite un Jesu pen Honpa ahih lamtak na thei lo uh a, Sabbath nisimin a kisim niloh kamsangteʼ thu zong na tel lo uh hi. Amaute in Jesu na mawhsak uh ahih manin kamsangteʼ thugente a manin hong tung hi.

Johan 10:35

Lai Siangtho sungah a kigelh thute a tawntungin a thuman hi a, Pasianʼ thu a ngah mite pen Pasian in, ‘pasian-te,’ na ci hi.

Isaiah 10:7

Ahih hangin a kumpipa in tua bang bek sawm lo a, a lungsim in zong tua bang bek ngaihsun lo hi. Ama lungsim sungah minam tampi suksiat nopna thu om hi.

Paikhiatna 28:32

Puan ngawng bangin a kikeek loh nadingin a ngawng kimkot ah a kigan tawh a kizim, lutang thawl a vang nei ding hi.

Mattiu 27:35

Singlamteh tungah Jesu a khai khit uh ciangin a puante kua in a koi ngah ding cih a theih nadingun suang lawnin ai san uh a, a puan teng a hawm uh hi.

Marka 15:24

Tua ciangin singlamteh tungah amah khai uh a, a puante kua in a koi ngah ding cih a theih nadingun suang lawnin ai san uh a, amauteng in a puante a hawm uh hi.

Luka 23:34

Ahi zongin Jesu in, “Pa aw, amaute in bang hih ihi hiam cih thei lo uh ahih manin a mawhna uh na maisak in,” a ci hi. Tua ciangin amauʼ ngah ding ciat a theih nadingun aisanin a puante a hawm uh hi.

Johan 13:18

“Hih bangin ka hong genna in note khempeuh hong huam kim lo hi. Ka teel sa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

2 KUMPI NIHNATE 15:12

(Hih pen Topaʼ thuciamna, Jehu tungah a piak, “Na suante khang lina dongin Israel kumpi tokhom tungah tu ding hi,” a cih ahi hi. Tua ahih ciangin tua bangin a piang ahi hi.)