Johan 19:20 - Tedim Bible Revision 2017

²⁰ Jesu a kikhaina mun pen Jerusalem khuapi tawh kinai ahih manin Judea gam mi tampi in hih lai kigelh a sim uh hi. Tua lai pen Hebru lai, Latin lai le Grik lai-in a kigelh hi.

Tedim Bible

²⁰ Hih lai Judah mi tampite in a sim uh hi. Bang hang hiam i cih leh, Zeisu singlamteh tungah a kithahna mun in khuapi tawh kinai a; Hebru kam, Latin kam leh Grik kam tawh a kigelh hi.

Johan 19:20 Referans Kwoze

Mangmuhna 16:16

Tua khate in Hebru pau-in Armageddon a kici munah kumpite a kaikhawm uh hi.

Sawltak 26:14

Ka vekpi-un leilak ah ka puk uh a, tua laitakin kei kiangah Hebru pau tawh thu hong kigen a, ‘Saul, Saul aw, bang hangin kei hong bawlsia na hi hiam? Bawngtal in a hawlteʼ ciangzum peek le na a sak zawk bangin keiʼ thu nong nial manin nang adingin na zaw hi,’ hong ci hi.

Sawltak 22:2

Hebru pau-in thu a genna mihonte in a zak uh ciangin amaute gamdai zaw kan uh ahih manin Paul in a thugen zomin,

Sawltak 21:40

Galkap mangpa in zong thu a gen ding phal ahih manin kahlei cial tungah Paul dinga, mite a gamdaih nadingin a khut a van hi. Mite a gamdaih khit ciangin Paul in Hebru pau-in mite tungah thu gen a,

Sawltak 21:37

Amaute in galkap huang sungah Paul a lutpih dektak laitakun Paul in galkap mangpa kiangah, “Nang tung thu tawm khat kong gen thei ding hiam?” ci-in a dot ciangin galkap mangpa in, “Grik pau siam hi lo na hi hiam?

Johan 19:13

Pilat in hih bangin miteʼ kikona a zak ciangin Jesu paikhiatpih a, Hebru pau-in Gabbatha a kici Suangphahpek tunga thukhenna tokhom tungah a tu hi.

Johan 5:2

Jerusalem khua sung Tuu Kongpi a kici gei ah Hebru pau-in Beth-zatha a kici bual khat om a, tua bual kimkot ah talap nga a om hi.

Mangmuhna 9:11

Amaute in tua kuahawm thukpi a uk vantungmi pen kumpi-in nei uh a, tua vantungmi a min pen Hebru pau-in Abaddon hi a, Grik pau-in Apollion hi a, “A Susia pa,” a cihnopna ahi hi.

Hebru 13:12

Tua mah bangin Jesu in zong ama sisan tawh miteʼ mawhna a siansak theih nadingin khuapi pua lamah a si hi.

Luka 23:38

“Jew Miteʼ Kumpipa hi,” ci-in a kigelh lai zong ama tung sanah kisuang hi.

Johan 19:42

Tua ni pen Kigin ni hi a, Jew miteʼ Sabbath ni hong nai ta ahih manin, tua hankhuk a nai ahihna hangin nawhsa thu-in tua lai munah Jesu a vui uh hi.