Johan 19:2 - Tedim Bible Revision 2017

² Galkapte in a kumpi lukhu dingin ling vialin Jesu khusak uh a, a kumpi puan dingin puansan a silhsak khit uh ciangin

Tedim Bible

² Galkapte in ling tawh lukhu ganin ama lu tangah a khusak uh a, puanza san a silhsak khit uh ciangin,

Johan 19:2 Referans Kwoze

Luka 23:11

Tua ciangin Herod le galkapte in Jesu zahko-in simmawh bawl uh a, kumpi puan tualpi a silhsak khit uh ciangin Pilat kiangah a puakkik uh hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Late 22:6

Ahih hangin kei pen lungno khat bang lel ka hi a, mi ka bang kei hi. Miteʼ ko gawpgawp, miteʼ simmawh ka hi hi.

Johan 19:5

Tua ahih manin Jesu zong ling lukhu khu kawm leh puansan silh kawmin hong pusuak a, Pilat in mihonte kiangah, “En un, hih lai ah na mipa uh om hi,” a ci hi.

Isaiah 49:7

Israel a honpa le ama Siangtho Pa ahi Topa in nakpi takin simmawhna a thuak, minamte in a muhdah, gam ukteʼ nasem pa tungah: “Nangmah a hong teel Israel-teʼ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai ah hong ding ding uh a, na mai ah uliante hong kun ding uh hi,” hong ci hi.