Johan 19:17 - Tedim Bible Revision 2017

¹⁷ Tua ahih manin amaute in Jesu la-in paikhiatpih uh a, ama kikhai nading singlamteh mah puasakin Hebru pau-in Golgotha a kici Lutang Guh mualah a paipih uh hi.

Tedim Bible

¹⁷ Tua lai takin amaute in Zeisu la-in a paipih uh hi. Zeisu in ama singlamteh pua a, Hebru kamin ‘Golgotha’ kici ‘Lutangguh Mun’ kicihna ah pai dingin a paikhia hi.

Johan 19:17 Referans Kwoze

Luka 23:33

“Lutang Guh,” a kicihna mun a tun uh ciangin singlamteh tungah Jesu kilhcip uh a, tua mi that mi nihte zong, Jesuʼ tak lamah khat, a veilamah khat kilhcip uh hi.

Luka 14:27

Ama singlamteh mah puatawmin ka nung hong zui lote, keima nungzui hi thei lo hi.

Luka 23:26

Tua ciangin amaute in Jesu paikhiatpih uh a, gam sung panin khuapi sungah a hong pai, Sairin khuami Simon a kici mi khat tawh a kituak uh hi. Amaute in tua pa man pah uh a, a singlamteh suanin Jesuʼ nung zui-in a puasak uh hi.

Sawltak 7:58

khua pua lamah kai khia-in suang gol pipi a khiat uh hi. Hih thu ah teci pangin Stefen a deng mite in a puan tungsilh uh suahin Saul a kici tangval khat kiangah lawnin a kemsak uh hi.

Marka 15:32

Israel miteʼ kumpipa Khris tu-in singlamteh tung panin hong kum suk leh amah um ni!” a kici uh hi. Jesu tawh a kikhai khawm mi nihte in zong a simmawh bawl uh hi.

Luka 23:38

“Jew Miteʼ Kumpipa hi,” ci-in a kigelh lai zong ama tung sanah kisuang hi.

Luka 9:23

Tua ciangin Jesu in a nungzuite le mi khempeuh kiangah, “Mi khatpeuh in kei hong zuih nop leh ama deihna bangin gamta nawn loin nisimin a singlamteh pua-in hong zui ding hi.

Marka 15:26

“Jew miteʼ Kumpipa,” ci-in amah a mawhsakna uh lai kigelh hi.

Marka 10:21

Tua ciangin Jesu in itna tawh tua mipa enin, “Na khat bek na kisam lai hi. Pai inla, na neih khempeuh na zuak khit ciangin mizawngte tungah na sum khotte va pia in. Tua hileh vantungah sum na hau ding hi. Tua khit ciangin ka nung hong zui in,” a ci hi.

Marka 8:34

Tua ciangin Jesu in mihonpite le a nungzuite ama kiangah sam a, “Mi khatpeuh ka nungzui a suahnop leh ama deihna bangin gamta nawn loin a singlamteh kisuanin hong zui ding hi.

Mattiu 27:37

Tua ciangin amah a mawhsakna uh, “Hih pa, Jew miteʼ Kumpi Jesu ahi hi,” cihna lai gelhin ama lutang sanah a suang uh hi.

Mattiu 16:24

Tua ciangin Jesu in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Mattiu 10:38

Ama singlamteh mah pua tawm lopi-in ka nung hong zuite kei tawh kilawm lo hi.

1 KUMPI MASATE 21:13

Tua ciangin mi ginalo nihte hong pai-in ama mai ah tu uh hi. Tua ciangin mi ginalo nihte in miteʼ omin Nabothʼ mawhna zong uh a, “Naboth in Pasian le kumpipa samsia hi,” a ci uh hi. Tua ahih ciangin amaute in khuapi pua lamah amah paipih uh a, suang tawh amah deng lum uh hi.

Siampi Laibu 24:14

“A samsia mipa pen giahphual pua lamah paipih in. Ama samsiat a za mi khempeuh ama lu tungah amauʼ khut ngasak inla, mihonte khempeuh amah deng lumsak in.

Piancilna 22:6

Abraham in meihal biak nading sing la-in a tapa Isaacʼ tungah suan a, amah in a khut sungah mei le temta a tawi hi. Tua bangin amau tegel pai khawm uh hi.

Johan 5:2

Jerusalem khua sung Tuu Kongpi a kici gei ah Hebru pau-in Beth-zatha a kici bual khat om a, tua bual kimkot ah talap nga a om hi.

Johan 19:13

Pilat in hih bangin miteʼ kikona a zak ciangin Jesu paikhiatpih a, Hebru pau-in Gabbatha a kici Suangphahpek tunga thukhenna tokhom tungah a tu hi.