Johan 18:37 - Tedim Bible Revision 2017

³⁷ Tua ciangin Pilat in, “Tua ahihleh nang kumpi hi lo na hi hiam?” a cih leh Jesu in, “Kumpi hi, nangmah in na hong ci hi. Hih thuman a gen khia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Tedim Bible

³⁷ Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.

Johan 18:37 Referans Kwoze

Johan 8:47

Pasian kiang panin a paite in Pasianʼ thugen za thei hi. Ahi zongin note pen Pasian kiang pan hi lo na hih manun Pasianʼ thu na ngai nuam kei uh hi,” ci-in a dawng hi.

1 JOHAN MASA 4:6

Ahi zongin note pen Pasianʼ mite na hi uh hi. Pasian a thei mi peuhmah in koteʼ thugen hong ngai uh a, Pasianʼ pawl ahi lo mi peuhmah in koteʼ thugen hong ngai lo uh hi. Tua ahih manin hih bangin thuman Kha le zuau kha a kilamdanna i theithei hi.

Johan 8:14

Jesu in, “Kei le kei a kigentawm ka hih hangin ka thugente a man mah hi veve hi. Bang hang hiam cih leh koi panin hong pai-in koi lai ah pai ding cih ka kithei a, note in kei ka hong pai khiatna le ka pai nading a thei lo na hizaw uh hi.

1 JOHAN MASA 3:19

Tua ahih manin tu-a bangin i om leh a thuman Pasian tawh a kipawl ihihna le ama mai ah lungmuang takin a om thei ding ihihna i thei ding hi.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Isaiah 55:4

David pen mite tungah teci ding, mite a makai ding le a ukpa dingin ka koih hi.

Johan 7:17

Pasianʼ deihna bangin a gamta nuam mi peuhmah in, ka thugente pen Pasianʼ kiang panin a hong pai thu a gen ka hihna leh keima thu bek tawh a gen ka hihna khen thei ding uh hi.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu up pih mite uh lungsim tak tawh it thei khinta na hih manun na lungsim khempeuh uh tawh limtakin na ki-it un.

1 TIMOTI MASA 6:13

Na khempeuh tungah nuntakna a pia Pasian le Pontias Pilat mai ah hang takin thu a gen ngam Khris Jesuʼ mai ah nang ka hong thupiakna in:

Luka 23:3

Tua ciangin Pilat in, “Nang, Jew miteʼ kumpipa na hi hiam?” ci-in a dot ciangin, “Nang zong tua mah nong ci hi,” ci-in a dawng hi.

Marka 15:2

Pilat in, “Nang, Jew miteʼ Kumpipa na hi hiam?” ci-in a dot ciangin Jesu in, “Nang zong tua mah nong ci hi,” ci-in a dawng hi.

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.

Johan 3:32

Amah in a muh sa leh a zak sa thu a gen hi napi-in kuamah in ama thugen um lo uh hi.

Mattiu 26:64

Tua ciangin Jesu in, “Nangmah in tua mah na ci khin hi. Ahi zongin note khempeuh kiangah ka hong genin ah: Vanglian paʼ tak lamah Mihing Tapa omin meii tungah a hong pai na mu ding uh hi,” a ci hi.

Mattiu 27:11

Tu-in gam ukpa Pilat mai ah Jesu kidingsak ahih manin amah in, “Nang, Jew miteʼ Kumpipa na hi hiam?” ci-in a dot ciangin Jesu in, “Nang zong tua mah nong ci hi,” ci-in a dawng hi.

Mangmuhna 3:14

“Laodisia khua pawlpi vantungmi kiangah lai gelh inla, thuman le citakin teci a pang, Pasianʼ piansakte khempeuh a kipatna ahi Amenʼ thugen in:

Mangmuhna 1:4

Johan in Asia gam sungah a om pawlpi sagihte tungah a khak lai ahi hi. A beisa hun, tuhun le mailam hunah a om tawntung Pasian kiang pan le ama tokhom mai-ah a om Kha Siangtho sagihte tung pan le,

1 JOHAN MASA 3:14

Ei Khristiante khatlekhat ki-it ihih manin sihna khut sung panin pai khia-in nuntakna khut sungah a lut khinta ihihna thu i thei khinzo hi. Itna lungsim a nei lote pen sihna khut sung mahah a om lai uh ahi hi.

Luka 22:70

Tua ciangin a vekpi-un, “Tua ahihleh Pasianʼ Tapa na hi hiam?” a cih uh ciangin, “Pasianʼ Tapa hi, nong ci uh hi,” ci-in a dawng hi.

Marka 14:62

Jesu in, “Ka hi hi; Vanglian Pasianʼ tak lamah Mihing Tapa omin meii lakah a hong pai na mu ding uh hi,” a ci hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Johan 1:17

Pasian in Moses tungtawnin Thukham hong pia a, ahi zongin Jesu Khris hangin itna le cihtakna thu hong pai hi.

Johan 8:45

Tua ahih manin thuman kong gen ciangin na hong um thei kei uh hi.

Johan 8:46

Note lakah kua in ka mawhna na hong lak thei uh hiam? Hong lak thei lo na hih manun thuman ka gen ciangin bang hangin hong um lo na hi uh hiam?

1 JOHAN MASA 2:21

Tua ahih manin note kiangah lai ka hong gelhna pen note in a man na theih lohna hang uh hi loin, note in a man thei-in, zuau thu pen thuman panin hong piang ngei lo hi, ci-in zong na theihna uh hangin a hong gelh ka hizaw hi.