Johan 18:36 - Tedim Bible Revision 2017

³⁶ Tua ciangin Jesu in, “Keima ukna pen hih leitung gam hi lo hi. Keima ukna hih leitung gam hileh Jerusalem khua-a Jew mi ulianteʼ khut sungah hong kipiak loh nadingin ka nungzuite in a do ding uh hi. Tua ahih manin keima ukna pen hih leitung tawh kizom lo hi,” a ci hi.

Tedim Bible

³⁶ Zeisu in, “Keima gam in leitung gam ahi kei hi. Keima gam in leitung gam hi leh, Judah mite khut sung ka tun’ loh nading ka mite in a do ding uh hi. Tu-in, ka gam in hih lai takah a om kei hi,” a ci hi.

Johan 18:36 Referans Kwoze

ROM (Romans) 14:17

Bang hang hiam cih leh Pasianʼ Ukna pen nekledawn tawh a kisai thu hi lo a, Kha Siangtho hangin i ngah Pasianʼ deih bangin gamtatna, kilemna, lungdamna, cihte hizaw hi.

Johan 6:15

Mihonte in thatang hat thu tawh kumpi-in amah a koih sawmna thu Jesu in a theih ciangin mual tung lamah amah guak a kihem khia hi.

Daniel 7:14

Amah in vangliatna, minthanna le kumpi za ngah ahih manin minamkimte, minam tuamtuamte, pau nam tuamtuamte khempeuh in ama na a sem ding uh ahi hi. Amah in a tawntungin uk dinga, a kumpi gam a bei ngei kei ding hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo dinga, tua gam in gamdang khempeuhte zo gawpin a kip tawntung ding hi.

1 TIMOTI MASA 6:13

Na khempeuh tungah nuntakna a pia Pasian le Pontias Pilat mai ah hang takin thu a gen ngam Khris Jesuʼ mai ah nang ka hong thupiakna in:

Mattiu 26:53

Ka Pa kiangah ngen hi leng, vantung galkapte hon sawm le hon nih val, thakhat thu-in hong puak pah theih ding lamtak thei lo na hi hiam?

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Luka 12:14

Ahi zongin Jesu in a mipa kiangah, “No unauʼ gamh a hawm dingin kua in kei hong seh ahi hiam?” ci-in a dawng hi.

Johan 8:15

Thu a thei lopi-in kei na hong mawhsak uh hi; ahi zongin keʼn kuamah ka mawhsak kei hi.

Johan 18:35

Pilat in, “Kei, Jew mi hong sa na hi hiam? Na Jew mipihte le na siampi liante un kei kiangah nang hong ap uh hi. Bang gamta khial na hi hiam?” a ci hi.