Johan 18:32 - Tedim Bible Revision 2017

³² (Jesu in ama sihna ding zia a gen sa thu a tun theih nadingin hih bangin a piang ahi hi.)

Tedim Bible

³² Tua bang a cihna in, Zeisu in bangci a sih ding ci-in lim lak a, a genkholh mah bangin a tun’ nading ahi hi.

Johan 18:32 Referans Kwoze

Johan 3:14

Moses in gamlak khuam tungah sumngo gul a khai mah bangin Mihing Tapa zong hong kikhai dinga,

Mattiu 26:2

“Na theih sa uh mah bangin tu zawh ni nih khit ciangin Paisan Pawi hun hong tung ta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Mattiu 20:19

Gentail mite in simmawh bawlin, satin, singlamteh tungah a khai dingin amaute khut sungah a pia ding uh hi. Ahi zongin a ni thum ni-in kihingkiksak ding hi,” ci-in a tuamin thu a hilh hi.

Johan 8:28

Tua ahih manin Jesu in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin keiʼ thu bek tawh bangmah hih loin, ka Paʼ hong hilh sa teng bek a gen ka hihna thu na thei ding uh hi.

Marka 10:33

“Na ngai un. Tu-in Jerusalem khua ah a pai to ding ihi hi; tua lai mun panin siampi liante le Thukham hilh siateʼ khut sungah Mihing Tapa kipia ding hi. Amaute in a sih nadingin thu a khen khit uh ciangin Gentail miteʼ khut sungah a ap ding uh hi.

Thu-hilhkikna 21:23

zan tawntung sing tungah ama luang na omsak kei ding uh a, a ni mahin na phum ding uh hi. Bang hang hiam cih leh khuam tungah a kikhai si luanghawm pen Pasian in muhthadah sa hi. Topa na Pasian un luah dingin note hong piak na leitang uh na ninsak kei ding uh hi.

Late 22:16

Ka kiimah uite om a, siatna bawl mi hon khat in kei hong umcih uh hi. Ka khut ka khete hong sun let zo uh hi.

Galati 3:13

Lai Siangtho in, “Sing tungah a kikhai mi peuhmah Pasianʼ samsiat mi ahi hi,” na ci ahih manin eite adingin Khris in samsiatna a thuak manin Thukham zuih lahna hangin samsiatna panin eite a hong tan khia ahi hi.

Sawltak 7:59

Tua bangin suang a khiat thuahthuah laitakun Stefen in thu ngen a, “Topa Jesu aw, ka kha hong la in,” a ci hi.

Johan 10:33

mihonte in, “Nasep hoih na sep manin hong deng nuam ka hi kei uh a, Pasian na simmawh bawl manin hong deng nuam ka hi uh hi. Nang pen mi hi lel hi napi-in Pasian na kineih nuam hi,” ci-in a dawng uh hi.

Johan 10:31

Tua ciangin Jew mihonte in amah deng dingin suang tawm leuleu uh ahih manin

Johan 13:18

“Hih bangin ka hong genna in note khempeuh hong huam kim lo hi. Ka teel sa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Johan 18:31

Tua ciangin Pilat in, “Jerusalem khua-a om no Jew mi uliante mah in paikhiatpih unla, nomau Thukham tawh kizui-in ama tungah thu khen un,” ci-in a gen ciangin Jew mite in ama kiangah, “Kote in mi thah theih nading thu ka nei kei uh hi,” ci-in a dawng uh hi.

Johan 21:19

(Hih bangin a thugenna pen Peter a sih nading zia le Pasianʼ min a thansak nading thu a gen nopna ahi hi.) Tua ciangin Jesu in Peter kiangah, “Hong zui un,” a ci hi.