Johan 18:25 - Tedim Bible Revision 2017

²⁵ Tua bangin mei awi-in Simon Peter a din laitakin a kiim a om midangte in, “Nang, hua mipaʼ nungzuite khat hi lo na hi hiam?” a cih uh leh Peter in, “Ka hi kei hi,” ci-in a nial leuleu hi.

Tedim Bible

²⁵ Tua lai takin Simon Piter ding a, mei a awi lai takin amaute in, “Nang Zeisu a nungzui khat hilo na hi hiam?” ci-in a dot uh ciangin, “Ka hi kei hi,” ci-in a nial hi.

Johan 18:25 Referans Kwoze

Paunak 29:25

Midangte kihtakna in hong lunghimawhsak a, Topa muanna in hong lungmuangsak hi.

Piancilna 18:15

Ahih hangin Sarah in nialin, “Ka nui kei hi,” ci hi. Bang hang hiam cih leh amah lau hi. Amah in, “Hi lo hi, na nui mah hi,” a ci hi.

Luka 22:56

Mei awi-a omte lakah Peter a om lam, nasem numei khat in a muh ciangin limtakin Peter en a, “Hih pa zong Jesu tawh a kikhawlte khat hi,” a ci hi.

Mattiu 26:69

Tua bangin inntual ah Peter a tut laitakin siampi lianpen paʼ nasem numei khat in ama kiangah, “Nang zong Galilee mi Jesu tawh a kikhawl na hi hi,” a ci hi.

Marka 14:66

A nuai-a inntual ah Peter a om laitakin siampi lianpen paʼ nasem numeite khat hong pai a,

Luka 22:55

Inntual ah meiphual kicih a, tua meiphual kiim a tute lakah Peter zong a kihel hi.

Luka 22:57

Ahi zongin Peter in, “Ka nau aw, amah ka thei kei hi,” ci-in a nial hi.