Johan 18:20 - Tedim Bible Revision 2017

²⁰ Jesu in, “Mi khempeuhʼ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna omngei lo hi.

Tedim Bible

²⁰ Zeisu in, “Leitung mite mai-ah a kilangin ka gen zo hi. Judah mite’ kikhopna innte leh biakna innpi sungah a tawntungin thu ka hilh a, thu ka hilhsim ngei kei hi.

Johan 18:20 Referans Kwoze

Johan 7:26

Tua hi napi, mihon lakah thu gengen napi-in kuamah in bangmah cih lo uh hi. Uliante in Khris hi, ci-in theihtelna nei uh hi ding hiam?

Mattiu 4:23

Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Isaiah 48:16

Kei kiangah hong nai unla, hih thu hong za un. A kipat cil a kipanin a simthamin thu ka gen ngei kei a, tua thu a pian a kipanin kei ka om hi. (Tu-in Topa Pasian in kei tungah a vangliatna hong pia a, kei hong sawl hi.)

Luka 21:37

Tua sungteng nisimin Jesu in biakinn ah thu hilh a, nitak ciangin pai khia-in Oliv Mual tungah a giak zel hi.

Johan 7:4

Miteʼ theih ding a ut pa in a simthamin na sem ngei lo hi. Hih bangin na semsem na hih manin na sepna thu mi khempeuh theisak vet in,” ci-in zahpihna tawh thu gen uh a,

Luka 4:15

Jesu in amauteʼ kikhopna innte ah thu hilh a, mi khempeuh in amah a phatkim uh hi.

Mattiu 26:55

Tua ciangin Jesu in mihonte kiangah, “Gal le sa bangin hong ngaihsun a, keimah a man dingin namsau le molhtum tawh hong kuan na hi uh hiam? Nisimin biakinn sungah thu ka hilh niloh a, ahi zongin kei nong man kei uh hi.

Mattiu 9:35

Tua bangin khuapite le khuaneute ah Jesu pai kawikawi a, a kikhopna uh innte ah thu hilhin, Pasianʼ ukna hangin a lungdamhuai thute gen a, natna nam khempeuh a damsak hi.

Isaiah 45:19

Keimah in mun simtham, khua mialna gam sungah thu ka gen kei hi. Jakob suanlekhakte tungah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.

Johan 8:26

Noteʼ thu genin, noteʼ thu ka khen ding tampi tak om hi. Kei a hong sawl pa a thuman a thutak hi a, ama tung panin ka zak sa thute bek leitung mite tungah a pulak ka hi hi,” ci-in a dawng hi.

Johan 8:2

Ahi zongin a zing ciang zingsang tungin biakinn ah paikik a, mihon tampi ama kiangah hong kikhawm uh ahih manin amaute tungah thuhilh ding a kipan hi.

Johan 7:28

Tua ahih manin biakinn sungah a gen mah bangin mi khempeuh zakin gen khia a, “Kei hong thei tel taktak a, ka hong pian khiatna mun a thei takpi mah na hi uh hiam? Keima thu tawh a hong pai tawm ka hi kei hi; kei a hong sawl a thuman pa a thei lo na hi uh hi.

Johan 7:14

Pawi kham hunsung alang bang a bei khit ciangin biakinn sungah Jesu lutin thuhilh ding a kipan hi.

Mattiu 26:65

Tua ciangin siampi lianpen pa in a puan bal kek a, “Pasianʼ tungah a pau khial zo hi. Bang thudang kisam nawn ahi hiam? A paukhialhna na za uh hi.

Sawltak 26:26

“Kumpi Agrippa aw, hih thu khempeuh na theih sa ahih manin nangma mai ah hang takin thu ka gen ngam hi. Hih thu pen kuama theih lohna mun simtham a thupiang hi lo ahih manin, a vekpi-in thei khin dingin ka hong um hi.

Mattiu 24:26

“Tua ahih kei leh zong mite in, ‘Gamlak ah Khris om hi,’ hong cih leh zong va pai kha kei un. ‘Inn sungah Khris bu hi,’ hong cih leh zong um kha kei un.

Late 40:9

Hotkhiatna hangin lungdam thu mihonpi lakah ka gen ding hi. Topa aw, lungdam thugen ka khawl ngei kei ding hi.

Late 22:22

Ka u ka naute tungah nangma min ka gen dinga, mihon kikhopna laizang ah nangmah kong phat ding hi.

Marka 8:32

Hih thu a kitel takin amaute kiangah a gen hi. Peter in Jesu paikhiat pihin, “Hih bangin thu gen kei in,” ci-in a taii hi.

Johan 6:59

Hih thute pen Kapernaum khua-a kikhopna inn sunga a thuhilhna ah a gen ahi hi.

Johan 18:21

Tua ahih manin bang hangin kei kiangah hong dong se na hi hiam? Ka thugen a za mite kiangah dong lecin ka gen teng amaute in hong gen thei ding uh hi,” ci-in a dawng hi.