Johan 18:18 - Tedim Bible Revision 2017

¹⁸ Khua dam mahmah ahih manin nasemte le palikte in meihol cih a, tua mei awi-in a kiimah ding uh ahih manin Peter zong va pai-in mei awi-in amaute tawh a ding khawm hi.

Tedim Bible

¹⁸ Tua lai takin silate leh nasemte in meiphual cih uh a, tuasan takah mei awi-in a ding uh hi. Bang hang hiam i cih leh, khua a dam hi. Piter zong amaute tawh omkhawm a, ding-in mei a awi hi.

Johan 18:18 Referans Kwoze

Marka 14:54

Peter in zong Jesuʼ nung gal zuih a, siampi lianpen paʼ inntual ciangah a om hi. Tua lai ah palikte tawh mei awi-in a tukhawm hi.

Johan 18:25

Tua bangin mei awi-in Simon Peter a din laitakin a kiim a om midangte in, “Nang, hua mipaʼ nungzuite khat hi lo na hi hiam?” a cih uh leh Peter in, “Ka hi kei hi,” ci-in a nial leuleu hi.

Johan 21:9

Tui gei a tun uh ciangin mei-am tungah ngasa le anlum a ki-em a mu uh hi.

Marka 14:67

Peter mei awi-in om a muh ciangin limtakin en a, “Nang zong, Nazareth khuami Jesu tawh na kikhawl ngei hi,” a ci hi.

Paunak 13:20

Mipil tawh kikhawl lecin na pil dinga, mihai tawh kikhawl lecin gimna na thuak ding hi.

Late 1:1

Mi nuamsa i cihte pen migiloteʼ thu a zui lo mi, mimawhteʼ gamtat bangin a gamta lo mi, mi a thusim lote tawh a kipawl lo mi ahi hi.

Piancilna 49:6

Amauʼ kikhopna ah ka kihel kei dinga, amauʼ pawl tawh ka kizom kei ding hi. Bang hang hiam cih leh a heh manun mi that uh a, kiphatsakna lungsim tawh amaute in mawlpih dingin bawngtalteʼ zagui a sat tat uh hi.

1 KORIN MASA 15:33

Sanggamte aw, miʼ khem sa-in ta kei un. Kikholhpih hoih lote in mi siasak thei hi.

Sawltak 4:23

Peter le Johan a kikhahkhiat khit phetin a lawmte uh kiangah pai-in siampi liante le upate in amaute tungah a thugente khempeuh a zasak uh hi.

1 KUMPI MASATE 19:9

Tua ciangin leihawm khat ah amah tungin tua lai ah giak hi. Topa in Elijah hopih a, “Elijah, hih lai ah bang hih na hi hiam?” a ci hi.

Luka 22:44

Lunggim mahmah ahih manin nakpi takin thu ngen semsem a, leilak a si mal gol taak bangin a khua-ul a taak hi.

Johan 18:3

Tua ahih manin Judas zong, siampi liante le Farisi mite in a sawl galkap hon khat le biakinn cing palik pawl khat tawh hiam tawi-in lalcin leh meilah de-in tua huanah a hong pai uh hi.