Johan 18:17 - Tedim Bible Revision 2017

¹⁷ Kongcing numei in Peter kiangah, “Hih mipaʼ nungzuite khat hi lo na hi hiam?” a cih leh, “Ka hi kei hi,” ci-in a dawng hi.

Tedim Bible

¹⁷ Tua lai takin kongpi a cing numei in, “Nang hih mi’ nungzui khat hilo na hi hiam?” a cih ciangin, “Ka hi kei hi,” a ci hi.

Johan 18:17 Referans Kwoze

Johan 21:15

An a nek khit uh ciangin Jesu in Simon Peter kiangah, “Johanʼ tapa Simon aw, hih a dang khempeuhteʼ hong it sangin kei na hong nak it zaw hiam?” ci-in a dot ciangin amah in, “Topa aw, ka hong it zaw hi. Nang ka hong itna na thei hi,” ci-in a dawng hi.

Johan 18:25

Tua bangin mei awi-in Simon Peter a din laitakin a kiim a om midangte in, “Nang, hua mipaʼ nungzuite khat hi lo na hi hiam?” a cih uh leh Peter in, “Ka hi kei hi,” ci-in a nial leuleu hi.

Johan 18:16

Ahi zongin Peter ahihleh kong pua lamah a khawl hi. Tua ahih manin siampi lianpen pa tawh a kithei nungzui dang khat pa zong va paikikin kongcing numei a hopih khit ciangin Peter zong a tumpih hi.

Luka 22:54

Tua ciangin Jesu manin paikhiatpih uh a, siampi lianpen paʼ inn a tunpih uh hi. Peter in zong a kihalin nungzuih hi.

Mattiu 26:33

Peter in, “A dang khempeuh in hong taisan zongin keʼn kong nusia ngei kei ding hi,” a ci hi.

Sawltak 12:13

Peter in inntual kongpi hong kiu a, a en dingin nasem numei Roda va pai hi.

Johan 18:8

Tua ciangin Jesu in, “Keimah ka hi hi, ci-in kong gen khinzo hi. Kei hong zong na hih uh leh hih a dangte khah lel un,” a ci hi.

Johan 18:5

Amaute in, “Nazareth khuami Jesu a zong ka hi uh hi,” a ci hi. Jesu a lehhek Judas zong tua mihonte tawh hong ding khawm hi.