Johan 17:26 - Tedim Bible Revision 2017

²⁶ Kei na hong itna zah itna mah amaute sungah omin, amaute tawh kei ka om khawm theih nadingin amaute tungah nangma min ka gen khin a, mai lamah zong ka gen lailai ding hi,” ci-in thu a ngen hi.

Tedim Bible

²⁶ Kei nong it bang itna amaute sungah om a, keimah in amaute sungah ka om nadingin, nangma min amaute kiangah ka lak zo a, ka lak lai ding hi,” ci-in thu a ngen hi.

Johan 17:26 Referans Kwoze

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pum khat a suah taktak theih nadingun amaute lakah kei ka om a, kei tawh nang na hong om khawm hi.

Johan 17:6

“Leitung mite sung panin keima khut sungah na hong piak mite tungah nangma min ka pulak khinzo ta hi. Tua mite in nangma thu mangin nangma mi hi uh a, ahi zongin keima khut sungah amaute na hong pia hi.

Johan 15:9

Ka Pa in kei hong it zahin note hong it ka hih manin keima hong itna sungah om un.

Hebru 2:12

“Pasian aw, ka sanggamte kiangah nangma thu ka gen dinga, mi khempeuh mai ah nangmah kong phat ding hi,” na ci a,

Johan 15:15

Nasemte in a toteʼ nasepna bangmah thei lo ahih manin note pen nasemte ka hong ci nawn kei ding hi. Ka Paʼ tung panin ka zak thu khempeuh note kiangah hong gen khin ka hih manin note, lawm, ka hong ci zaw ding hi.

Johan 14:20

Tua hun ciangin Pa sungah kei ka omna thu le note sungah ka hong om mah bangin keima sungah na omna thu uh na thei ding uh hi.

Late 22:22

Ka u ka naute tungah nangma min ka gen dinga, mihon kikhopna laizang ah nangmah kong phat ding hi.

Johan 15:4

Kei tawh hong kizom paisuak le-uhcin kei zong note tawh a kizom paisuak ka hi ding hi. A hiang pen a gui tawh kizom kei leh gah a gah theih loh mah bangin note zong kei tawh na kizop kei uh leh gah na gah thei kei ding uh hi.

Efesa 5:32

Pasalte in amau pumpi zahin a zite uh itin, zite in zong amau pumpi zah mahin a pasalte uh a it ding uh ahih mah bangin, Lai Siangtho in hih bangin a gen ciangin a thuk zaw khat, Khris le pawlpi a ki-itna a gen nopna ahi hi, ci-in ka ngaihsun hi.

Johan 14:23

Jesu in, “Kei hong itte in ka thu zui ding uh hi. Ka Pa in zong it dinga, ka nihun tua mite kiangah pai-in amaute tawh ka om khawm ding uh hi.

Johan 8:50

Kei ka minthan theih nading ka hanciam kei a, ahi zongin keima minthan nading zongin, kei a hong angvan ding thukhen ding Khat om hi.

1 JOHAN MASA 3:24

Pasianʼ thupiakna a zui mi khempeuh, Pasian tawh om uh a, Pasian in zong amaute a ompih hi. Pasian in eite tungah a hong piak Kha Siangtho hangin Pasian in eite a hong ompihna thu i thei hi.

2 THESALONIKA NIHNA 2:16

I Topa Jesu Khris mahmah leh, eite hong itin, a hong hehpihna tawh thakhauhna le lametna a hong pia tawntung eiteʼ Pa Pasian in

Kolose 3:11

Tua ahih manin Gentail mi le Jew mi, vun at mi le vun at loh mi, khuapi mi le khua neu mi, sila le sila ahi lo, cih bangin a kilamdanna om lo a, Khris pen mi khempeuh ading hi thei a, thu khempeuh ading hi thei a, thu khempeuh ah amah bek ahi hi.

Kolose 2:10

Khris tawh na kipawlna hangun nuntakna kicing na nei uh hi. Huih lak a ukte le aana neite khempeuh tungah amah a lutangpi hi lai hi.

Kolose 1:27

Pasian in mi khempeuh adingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khris tawh a kipawlte in Pasian tawh minthanna ngahkhawm ding hi, cihna ahi hi.

Efesa 3:17

na upna hangun note lungsim sungah Khris hong teengin, itna thu ah zung thuk kha-in bulkip na neih nadingun thu ka ngen hi.

Efesa 1:6

Ama it Tapa hangin hih bangin letsong hong pia ahih manin a vanglian ama hong hehpihna hangin Pasian phat ni.

Galati 2:20

Tua ahih manin tu hun a ka nuntakna zia pen kei hang hi nawn loin ka sungah a hong om Khris hang ahi hi. Tua hi a, keimah hong itin, keima adingin a nuntakna a hong pia Pasianʼ Tapa ka muanna tawh tu laitakin a nungta ka hi hi.

1 KORIN MASA 12:12

Pumpi pen khat bek hi napi-in na a tuamtuam a nei hi. Pumpi in na a tuamtuam tampi a neih hangin pumpi khat bek mah ahih veve mah bangin Khris zong pumpi na a tuamtuam a nei pumpi khat ahi hi.

1 KORIN MASA 1:30

Ahi zongin Pasian in Jesu Khris hangin note tungah nuntakna hong pia a, tua Jesu Khris pen eiteʼ pilna, Pasian tawh i kipawl theihna, Pasianʼ mi siangtho suakin, hotkhiatna i ngah theihna ahi hi.

ROM (Romans) 8:10

Ahi zongin note sungah Khris hong om leh mawhna hangin na pumpi uh a si veve ding ahi zongin, note pen Pasian tawh kipawl khin na hih manun note adingin Kha Siangtho pen nuntakna ahi hi.

Johan 6:56

Ka sa ne-in ka si a dawnte pen kei tawh pum khat ka hi uh hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.