Johan 17:25 - Tedim Bible Revision 2017

²⁵ A Thuman ka Pa aw, leitung mite in nang hong thei lo uh hi. Ahi zongin keimah in nang ka hong thei a, kei na hong sawlna thu hih mite in zong a thei uh hi.

Tedim Bible

²⁵ A siangtho ka Pa aw, leitung mite in nang a hong theih loh uh hangin, kei in kong thei hi. Hih mite in kei nong sawlpa ka hihna a thei uh hi.

Johan 17:25 Referans Kwoze

Johan 17:11

Tu-in nangma kiangah kei a hong pai ta ding ka hih manin leitungah ka om nawn kei dinga, ahi zongin amaute a om lai ding uh ahi hi. Tua ahih manin a Siangtho ka Pa aw, nang le kei pum khat ihih mah bangin amaute zong pum khat ahih nadingun na vangliatna tawh hoihtakin na kem in.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 15:21

Ahi zongin amaute in kei hong sawl pa thei lo uh ahih manin keima mi na hihna uh hangin amaute in hih bangin hong bawl ding uh ahi hi.

Johan 7:29

Ahi zongin amah in kei hong sawlin, ama kiang panin a hong pai ka hih manin keʼn ka thei hi,” a ci hi.

Johan 16:27

Bang hang hiam cih leh note in kei hong itin, Pa kiang panin a hong pai ka hihna thu um na hih manun Pa mahmah in note hong it ahihna hang ahi hi.

Hebru 8:11

A neu pen pan a lianpen dongin mi khempeuh in hong thei ding uh ahih manin ‘Topa thei in,’ ci-in a ulenau le a mipihte kiangah kuamah in a hilh ding kisam nawn lo ding hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khris minthanna hangin amaute tungah a hong taang lungdamna thu khuavak mu thei lo uh hi.

Johan 8:55

Note in amah na thei ngei kei uh a, ahi zongin keʼn ka thei hi. Amah ka thei kei hi, a ci hi leng, note mah bangin kei zong a zuau ka hi ding hi. Ahi zongin keʼn amah thei ka hih manin ama thu ka mang hi.

Luka 10:22

Tua ciangin Jesu in amaute kiangah, “Hih nate khempeuh ka Pa in kei tungah hong ap khinzo hi. Pasian sim loh, Tapa a thei kuamah om lo hi. Tapa le Tapa in a theihsak nop mite sim loh, Pa a thei kuamah om lo hi,” a ci hi.

Mangmuhna 13:8

Tua ahih manin a kigo Tuuno laibu sungah a nungta ding miteʼ min, leitung pianmapekin a kikhumna ah a kihel lo leitung mi khempeuh in tua ganhing bia ding uh hi.

1 JOHAN MASA 1:9

Ahi zongin Pasian kiangah i mawhnate va pulak lehang, amah citakin thuman ahih manin, i mawhnate hong maisakin i hoih lohnate khempeuh hong siangsak ding hi.

2 THESALONIKA NIHNA 1:8

Pasian a thei lo mite le i Topa Jesu tawh kisai Lungdamna Thu a um lo mite tungah gimna a tungsak ding hi.

1 KORIN MASA 15:34

Hoihtakin thu ngaihsun phakik unla, mawhna gamta nawn kei un. Note pawl khat in Pasian thei het lo na hih manun maizumhuai mahmah hi.

1 KORIN MASA 1:21

Pasian in ama pilna hong zang a, mihingte in amauʼ pilna tawh pasian a theih zawh loh nadingun a bawl hi. Tua ahih manin mite in, “A haihuai thu,” ci-in a ngaihsut uh i thuhilhna a umte, Pasian in hotkhiatna a pia zaw hi.

ROM (Romans) 3:26

Ahi zongin tu hun ciangin Jesu a um mi khempeuh Pasian tawh a kipawl theih nading le amah thuman ahihna a kilatsak nadingin mihingteʼ mawhna tawh kisai-in na hong sem hi.

ROM (Romans) 3:11

a man a thei kuamah om lo a, Pasian tawh kipawl ding a hanciam kuamah om lo hi.

ROM (Romans) 1:28

Mite in a man ahi Pasianʼ thu ngaihsutin nei nuam lo uh ahih manin amauteʼ ngaihsut hoih lo bangin a gamtat theih nadingun Pasian in a khah khia hi. Tua ahih manin a gamtat dingun a kilawm lo pipi-in a gamta uh hi.

Sawltak 26:18

Pasianʼ teel miteʼ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satanʼ khut sung panin Pasianʼ khut sungah a hei khia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Sawltak 17:23

Na khua sung uh ah ka pai kawmin na biakna munte uh ka et ciangin, ‘A kithei lo Pasian ading,’ ci-in biakna tau tungah lai a kigelh nangawn ka mu hi. Tu laitakin keiʼ kong pulak Pasian pen, thei lo napi-in na biakbiak uh Pasian ahi hi.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pum khat a suah taktak theih nadingun amaute lakah kei ka om a, kei tawh nang na hong om khawm hi.

Johan 17:21

Pa aw, amaute khempeuh pum khat a suah theih nadingun ka hong ngetsak hi. Nangmah in kei na hong sawlna thu leitung mite in a up theih nadingun ei tegel pawl khat ihih mah bangin amaute zong eite tawh pawl khat hong hi tahen.

Johan 17:18

Leitungah kei na hong sawl mah bangin kei zong leitung mahah amaute ka sawl hi.

Johan 17:3

Nang bek a man Pasian na hihna thu le nangmah in na hong sawl Jesu Khris hong theihna pen amaute adingin nuntak tawntung ngah nading lampi ahi hi.

Johan 16:30

Tu-in na khempeuh na theih khitna thu ka phawk uh a, ka theihnop uh thute kote in ka hong dot ding uh zong kisam nawn lo ahih manin Pa kiang panin a hong pai na hihna thu ka hong um uh hi,” a ci uh hi.

Johan 16:3

Amaute in ka Pa ahi a, kei ka hi zongin hong thei lo uh ahih manin tu-a bangin note a hong bawl ding uh ahi hi.

Johan 8:19

Tua ciangin amaute in, “Na pa koi ah om ahi hiam?” ci-in dong uh a, Jesu in, “Kei ka hi a, ka Pa ahi zongin na hong thei kei uh hi. Kei hong thei hi le-uhcin ka Pa zong na thei ding uh hi,” ci-in a dawng hi.

Johan 6:19

Tui gei panin tai thum tai li bang gunkuang a hawh khit uh ciangin tui tungah Jesu hong pai-in gunkuang lam a hong naih a mu uh hi. Amaute na lau mahmah uh ahih manin

Johan 3:17

Pasian in leitungah a Tapa hong sawlna pen mawhsakna thukhen dingin a hong paisak hi loin, leitung mite a hon khia dingin a hong paisak hizaw hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Mattiu 16:16

Simon Peter in, “Nang pen a nungta Pasianʼ Tapa, Khris na hi hi,” ci-in a dawng hi.

Mattiu 11:27

“Ka Pa in kei tungah na khempeuh hong pia khin hi. Pa sim loh Tapa a thei kuamah om lo a, Tapa le Tapa in a theihsak nop mite sim loh, pa a thei kuamah om lo hi.

Isaiah 45:21

Na thu uh sung unla, hong gen un. Na thu uh kikum khawm un! Hih thu sawtpekin kua in gen ahi hiam? Tanglai-in kua in pulak ahi hiam? Keimah Topa hi lo ka hi hiam? Thuman Pasian le Honpa ahi, kei sim loh pasian dang om lo a, kei sim loh kuamah dang om lo hi.

Mangmuhna 16:5

Tua ciangin tuite a uk vantungmi in, “A beisa hun a kipanin tu hun dongin a om a Siangtho Pa aw, hih bangin na thukhenna ah nang na thuman hi.