Johan 17:24 - Tedim Bible Revision 2017

²⁴ Pa aw, leitung a pianmapekin kei na hong itna hangin na hong piak pianzia a mu dingin keimah na hong piak mite zong ka omna ah a hong pai theih nading ka deihsak hi.

Tedim Bible

²⁴ “Pa aw, kei nong piak mite in zong nong piaksa minthan’na a muh nadingun ka omna-ah na omkhawmsak dingin ka deih hi. Bang hang hiam na cih leh, lei pian’ ma-inah nong it hi.

Johan 17:24 Referans Kwoze

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Johan 12:26

Ka nasemte keima omna ah a om theih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Johan 14:3

Kei va pai-in noteʼ om nading mun ka va bawl kholh khit ciangin keima omna munah note na hong om theih nadingun note a hong la dingin ka hong paikik ding hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuʼ maitang a taangsak Pasianʼ vangliatna thu theih nading khuavak ka ngah theih nadingun kote lungsim sungah khuavak hong taangsak hi.

1 JOHAN MASA 3:2

Ka lawm itte aw, eiteʼ pianzia ding taktak a telin hong kilat nai loh hangin tu-in Pasianʼ tate ihi hi. Ahi zongin Khris hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

Piancilna 45:13

Egypt ah keima liatna khempeuh le noteʼ muh sa khempeuh, i paʼ kiangah na gen ding uh hi. Manlang unla, hih lai ah i pa hong pai sukpih un,” a ci hi.

2 KORIN NIHNA 3:18

Tua ahih manin eite khempeuh i maitang hong kiliah nawn loin Topaʼ minthanna vang taang i kilangsak hi. Topa kiang panin a hong pai Kha Siangtho ahi tua minthanna vang in amah tawh a kibang dingin eite hong bawl pha a, minthanna khat panin minthanna sang zaw ah hong omsak hi.

Mattiu 25:21

a topa in, ‘Hoih mahmah hi; a hoih a citak nasem pa aw, a tawmno na zekna ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

1 THESALONIKA MASA 4:17

Tua ciangin tua hun laitakin a nungta lai eite pen vankim lai ah Topa a dawn dingin amah a um a si sa mite tawh hong kilakhawm dinga, Topa tawh i om khawm tawntung ding hi, cihna ahi hi.

Luka 12:37

A topa hong ciah ciangin a kiging sa-in amah ngakin a om uh a muh nasemte pen mi hampha mahmah ahi uh hi. Note kiangah kong genin ah, a topa zong hong kithawi-in a nasemte an vak dingin tusak dinga, a mahmah in a nasemte an thukin na a sem ding hi.

Mangmuhna 3:21

Keimah zong gualzo-in ka Paʼ tokhom ah ka tut khawm uh mah bangin a gualzote khempeuh zong kei tawh ka tokhom tungah hong tut khawm theih nadingun thu ka pia ding hi.

1 KORIN MASA 13:12

Dal limlang sunga et bangin tu laitakin a kitel pha loin i mu milmial a, ahi zongin mai lamah maitang kituahin i mu ding hi. Tu laitakin i theihnate kicing lo a, ahi zongin mai lamah Pasian in eite hong theih mah bangin a kicing takin amah i thei ding hi.

Mattiu 26:29

Note kiangah kong genin ah: Ka Paʼ Ukna sungah note tawh leenggahzu thak ka dawnkik ni matengin leenggahzu ka dawnkik nawn kei ding hi,” a ci hi.

Mattiu 25:34

Tua ciangin Kumpipa in a tak lamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note adingin a kibawl khol sa gam nuam hong luah un.

Filippi 1:23

Hih thu nih khensat hak ka sa mahmah hi. Kei adingin hoih zaw thampek ahih manin leitung pumpi si-in Khris tawh om khawm ding ka ut hi.

2 KORIN NIHNA 5:8

Lungmuang takin a ki-om hithiat hi a, hih leitung pumpi nusia-in Topa tawh om khawm ding a ki-ut zaw ahi hi.

Luka 23:43

Jesu in ama kiangah, “A mantakin keʼn kong cih in ah: Tu ni-in Paradais ah kei tawh na om khawm ding hi,” a ci hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Mangmuhna 21:22

A Vanglian Topa Pasian le Tuuno pen khuapi biakinn hi ta ahih manin tua khua sungah biakinn dang ka mu kei hi.

Mattiu 25:23

a topa in, ‘Hoih mahmah hi; a hoih a citak nasem pa aw, a tawmno na zekna ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Johan 6:37

Ka Pa in kei tungah a hong piak mi peuhmah ka kiangah hong pai dinga, ka kiangah a hong pai mi peuhmah ka hawl khia kei ding hi.

Johan 6:39

Kei hong sawl paʼ deihna in: Ka khut sungah a hong piak mi khempeuh khat zong khahsuah loin nitawp ni ciangin ka hinsakkik ding ahi hi.

Johan 8:58

Jesu in, “A taktakin ci lehang, Abraham a pian ma-in kei ka om khin hi,” ci-in a dawng hi.

Johan 15:9

Ka Pa in kei hong it zahin note hong it ka hih manin keima hong itna sungah om un.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piak theih nadingin mi khempeuh tungah ukna aana a neih nadingin Tapa tungah na hong piak sa ahi hi.

Johan 17:22

Nang le kei pum khat ihih mah bangin amaute zong pum khat a suah theih nadingun keima tungah na hong piak pianzia mah amaute tungah ka pia hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.