Johan 17:19 - Tedim Bible Revision 2017

¹⁹ Nangma tungah thuman takin amaute zong hong ki-ap theih nadingun amaute ka khualna-in nangma tungah kei ka hong ki-ap hi.

Tedim Bible

¹⁹ Amaute zong thutak tawh a kisian’thosak nadingun, keimah ka kisiangthosak hi.”

Johan 17:19 Referans Kwoze

Hebru 2:11

Mawhna panin mite a siangthosak pa le sianthosakna a ngah mite in, Pa, a kibang a neikhawm uh hi. Tua hi a, Jesu in mite, “Sanggam,” a cih ding zum ngaihsut lo ahih manin,

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Johan 17:17

Nangma thuman hilhna tawh amaute a siangtho nangma zat dingin na bawl in.

1 KORIN MASA 1:2

Jesu Khris tawh kipawlna hangin Pasianʼ mi suakin, Pasianʼ mi siangtho cihna a ngah, Korin khua-a om Pasianʼ pawlpi mite le eiteʼ Topa bek hi loin, amauteʼ Topa zong ahi, i Topa Jesu Khris tungah thu a ngen, mun khempeuh ah a om mite tungah lai ka hong khak uh hi.

2 TIMOTI NIHNA 2:10

Tua ahih manin Pasianʼ teel mite in zong Khris Jesu hangin hotkhiatna le tawntung minthanna a ngahkhawm theih nadingun amauteʼ hangin na khempeuh ka thuak hi.

1 THESALONIKA MASA 4:7

Eite a thanghuai gamtat dingin Pasian in a hong sam hi lo a, a siangtho-in a nungta dingin a hong sam ahi hi.

2 KORIN NIHNA 8:9

Bang hang hiam cih leh i Topa Jesu zong hau mahmah napi-in ama zawnna tawh note mihau na suah theih nadingun noteʼ hangin mi zawngin hong kibawl ahih manin i Topa Jesu Khris hong itna bangzah takin lian hiam, cih thu na thei uh hi.

2 KORIN NIHNA 4:15

Hih thute khempeuh note ading a kikhualna hi a, Pasianʼ hehpihna in mi tam ban semsem leh mi a tam semsem mah in Pasianʼ minthan nadingin lungdam ko-in thu ngen ding uh hi.

Hebru 9:26

Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suah theih nadingin mawhmaisak nadingin hun bei kuan ciangin amah khatvei a va kipia hi.

Hebru 10:29

Tua bang ahihleh Pasianʼ Tapa a simmawh, mawhna a hong maisak Pasianʼ thuciamna sisan a thudon lo, Pasianʼ hehpihna a hong puak Kha Siangtho a hehsakteʼ thuak ding bangzah takin lian zaw kan ding ahi hiam?

Hebru 9:13

Keel sisan, bawngtal sisan le bawngla kihal tum vute, biakna vai-in a siang lo mite tungah a kitheh ciangin biakna vai-in miteʼ pum tung siangthosak thei ahihleh,

Isaiah 62:1

Zion a kihotkhiatna thu khuavak bangin a taankhiat mateng, ama gualzawhna thu meivak kuang bangin a taankhiat matengin, Zion ka ngaihsutna-in gamdai takin ka om mawk kei dinga, Jerusalem ka ngaihsutna-in ka khawl mawk kei ding hi.

Hebru 9:18

Tua mah bangin thuciamna masa zong sisan a kizat ciangin thu suak thei pan hi.

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasianʼ Tapa ka hi hi,’ ka cih ciangin bang hangin Pasian simmawh bawl hong cithei na hi uh hiam?

Jeremiah 1:5

“Gil sungah kong bawl ma-in nang kong thei khinzo hi. Na suah ma-in nang kong teel khia khinzo a, minam dangte tungah kamsang dingin kong koih khinzo hi,” hong ci hi.

Johan 15:3

Note tungah ka hong thugennate hangin note a siang na suak khinzo uh hi.

Johan 15:13

Lawmteʼ tang ding sih ngamna sangin lawmte itna a lian zaw om nawn lo hi.

Johan 17:20

“Hih mite ading bek thu a hong ngetsak ka hi kei a, amauteʼ thugenna hangin kei hong um mite ading zong a hong ngetsak ka hi hi.

2 KORIN NIHNA 7:14

Titus mai ah note ka hong kisialh pih ngei a, note in ka kisialhna thu ah kei na hong zahhuaisak kei uh hi. Note tungah thuman bekbek a hong gen ka hih mah bangun Titus tungah ka kisialhna uh zong a kisial khial ka hih lohna uh hong kilang hi.

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuh ah a kizel ahi hi.

1 JOHAN MASA 3:3

Khris a siangtho mah bangin amah tawh kibat ding a lamen khempeuh in zong a nuntakna uh siangthosak ding hi.

1 JOHAN MASA 3:18

Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.

Gamlak-vakna 7:15

meihal biak nadingin bawngtalno khat, tuutal khat, kum khat a pha tuuno a pa khat;