Johan 17:14 - Tedim Bible Revision 2017

¹⁴ Amaute tungah na thu ka gen khin hi. Ahi zongin keimah bangin amaute zong hih leitung mite tawh kipawl lo uh ahih manin leitung mite in a mudah uh hi.

Tedim Bible

¹⁴ Amaute kiangah nangma thu ka pia zo hi. Keimah in leitung tawh ka kipawl loh bangin, amaute zong leitung tawh kipawl lo ahih uh ciangin, leitung mite in amaute a mudah uh hi.

Johan 17:14 Referans Kwoze

Johan 17:16

Hih leitung tawh kei ka kipawl loh mah bangin amaute zong a kipawl lo uh ahi hi.

Johan 8:23

Tua ciangin Jesu in amaute kiangah, “Note pen nuai lam mi na hi uh a, kei pen tung lam mi ka hi hi. Note pen hih leitung mi na hi uh a, kei pen hih leitung mi ka hi kei hi.

Johan 7:7

Leitung miteʼ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.

Paunak 29:27

Midikte in migilote mudah uh a, migilote in midikte mudah uh hi.

1 JOHAN MASA 3:12

Dawimangpaʼ mi ahi, a naupa mahmah a that Kain bang kei ni. Kain a gamtatna man lo a, a naupaʼ gamtatna man ahih manin Kain in a naupa a that ahi hi.

Zekhariah 11:8

Kha khat sungin tuucing a dang thumte ka not khia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

1 JOHAN MASA 3:13

Tua ahih manin lawmte aw, leitung mite in hong muhdah leh lamdang sa kei un.

Marka 10:39

amaute in, “Ka hi zo ding uh hi,” ci-in a dawng uh hi. Tua ciangin Jesu in amaute kiangah, “Keimah in gimna ka thuak ding mah bangin na thuak takpi ding uh a, ka thuak ding kiphumna zong na thuak takpi ding uh hi.