Johan 17:1 - Tedim Bible Revision 2017

¹ Jesu in hih thute a gen khit ciangin vantung lam en to-in, “Pa aw, a hun hong tung ta ahih manin na Tapa in na pianzia hong kilatsak theih nadingin tu-in na Tapaʼ pianzia hong kilangsak ta in.

Tedim Bible

¹ Zeisu in hih thute a gen khit ciangin vantung lam ento a, “Pa aw, ahun a tung zo hi. Tapa in nang hong minthan’sak nadingin, na Tapa hong minthangsak in.

Johan 17:1 Referans Kwoze

Johan 12:23

Tua ciangin Jesu in, “Mihing Tapa in Pasianʼ pianzia a ngah ding hun hong tung ta hi.

Sawltak 3:13

I pupite Abrahamʼ Pasian, Isaacʼ Pasian le Jakobʼ Pasian in a nasem Jesu tungah ama vangliatna a pia hi. Note in aana neite khut sungah tua Jesu na pia uh a, Pilat mangpa in amah khah dingin a ngaihsut khit nangawnin Pilatʼ maitang mahah amah na nial teitei uh hi.

Johan 7:39

Jesu in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasianʼ pianzia nei-in sihna panin Jesu kithokiksak nai lo ahih manin Kha Siangtho kipia khia nai lo hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

Johan 11:4

Ahi zongin Jesu in tua thu a zak ciangin, “Hih natna pen sih nading natna hi lo a, Pasianʼ Tapa in Pasianʼ pianzia a neihna mite in a theih nading le Pasian a phat theih nadingin a na ahi hi,” a ci hi.

Marka 14:41

A thum veina a hong ciahkik ciangin amaute kiangah, “Ihmu-in na tawlnga hithiat lailai na hi uh hiam? Pha zo hi. A hun hong tung ta hi. Mihing Tapa mawhnei miteʼ khut sungah hong kipia khinta hi.

Late 123:1

Vantungah a om pa aw, nangmah kong en to hi.

Johan 11:41

Tua ahih manin a suangtum a lik khia uh hi. Jesu zong van lam dak to-in, “Pa aw, ka thungetna hong ngai na hih manin ka nuam mahmah hi.

Johan 8:20

Jesu in hih thute pen sumpi khiatna kuang a kikoihna biakinn dei sungah a gen hi a, ahi zongin ama hun tung nai lo ahih manin kuamah in amah man lo uh hi.

Johan 7:30

Tua ciangin amaute in Jesu mat ding hanciam uh hi; ahi zongin ama hun tung nai lo ahih manin kuamah in va su lo hi.

Johan 16:32

Note khempeuh kithehthangin na inn ciat uh zuanin kei bek na hong nusiat ding uh hun a hong tung ding hi bek loin tu-in a hong tung hi ta hi. Ahi zongin kei guak a hong kinusia hi lo a, Pa in kei hong ompih hi.

Johan 13:1

Tu-in Paisan Pawi hun ding ni khat bek in sam a, Jesu in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Luka 22:53

Nisimin biakinn ah note tawh ka om khawm a, bangmah nong cih kei uh hi. Ahi zongin hih hun pen nomauʼ hun hi a, khuamial sung a uk Satanʼ vangliat hunsung ahi hi,” a ci hi.

Luka 18:13

Ahi zongin siahdongpa pen a gamla simah dinga, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.

Isaiah 38:14

Phialphiah ahi a, gun vapi bangin ahi zongin ka hamham a, vakhu bangin ka tautau hi. Vantung lam kong etetna-in ka mitte a gim hi. Topa aw, kei hong kinengniam hi; keima lungmuanna hong hi ta in!